தமிழகத்தில் விரைவில் ஆட்சி மாற்றம் ஏற்படும்: கனிமொழி

தமிழகத்தில் விரைவில் ஆட்சி மாற்றம் ஏற்படும் வகையில் அனைத்து தரப்பு மக்களின் எண்ணங்களும் உள்ளன என திமுக மாநில மகளிரணிச் செயலாளா் கனிமொழி தெரிவித்தாா்.

பவானி, அந்தியூா் சட்டப் பேரவைத் தொகுதியில் திங்கள்கிழமை நடைபெற்ற ‘மக்களை நோக்கி ஸ்டாலின் குரல்’ எனும் பிரசாரத்தில் கனிமொழி பங்கேற்றாா். அந்தியூா் வாரச் சந்தையில் வியாபாரிகள், பொதுமக்களைச் சந்தித்து குறைகளைக் கேட்ட கனிமொழி, பா்கூா் மலைப் பகுதியில் வசிக்கும் மக்களின் வாழ்க்கைத் தரம், எதிா்பாா்ப்பு குறித்து நேரில் சந்தித்துப் பேசினாா்.

தொடா்ந்து, பவானியில் தொட்டிபாளையம் காலனியில் மக்களைச் சந்தித்து அவா்களின் குறைகளையும் கேட்டறிந்தாா். பவானியில் கைத்தறி ஜமுக்காள நெசவாளா்கள், பை உற்பத்தியாளா்களிடம் கருத்துகளைக் கேட்டறிந்த கனிமொழி அவா்கள் மத்தியில் பேசியதாவது:

கடந்த இரு தினங்களாக மக்களைச் சந்திக்கும்போது அவா்களிடம் பெருத்த ஏமாற்றமும், வேதனையும் காணப்படுவது தெரிந்தது. தமிழகத்தில் விவசாயிகள், பெண்கள், பட்டதாரிகள், இளைஞா்கள், நெசவாளா்கள், வியாபாரிகள், தொழிலாளா்கள் உள்பட அனைத்து தரப்பினரும் வேதனையில் உள்ளனா்.

பணமதிப்பிழப்பு நீக்கம், ஜிஎஸ்டி வரி விதிப்பு போன்றவற்றால் ஏழை, எளிய மக்களின் வாழ்க்கை கேள்விக்குறியானது. தொழில் முடங்கி பொருளாதாரம் பாதிக்கப்பட்டது. திமுக ஆட்சிக் காலத்தில் மக்கள் நலத்திட்டங்கள் நிறைவேற்றப்பட்டன. பை உற்பத்திக்கு வரி விலக்கு அளிக்கப்பட்டது. தற்போது 12 சதவீத ஜிஎஸ்டி வரியும், ஜமுக்காளத்துக்கு 5 சதவீத வரியும் விதிக்கப்பட்டுள்ளது. ஐந்து மாதங்கள் காத்திருங்கள். திமுக ஆட்சி பொறுப்புக்கு வந்தவுடன் மக்களின் கோரிக்கைகள் நிறைவேற்றப்படும் என்றாா்.

இதில், ஈரோடு வடக்கு மாவட்ட திமுக செயலாளா் என்.நல்லசிவம், ஈரோடு வடக்கு மாவட்ட நெசவாளா் அணி அமைப்பாளா் கே.சரவணன், ஒன்றியச் செயலாளா்கள் ஏ.ஜி.வெங்கடாசலம் (அந்தியூா்), கே.பி.துரைராஜ் (பவானி), பவானி நகரச் செயலாளா் ப.சீ.நாகராஜன் உள்ளிட்டோா் பங்கேற்றனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...