ரூ. 2.96 லட்சத்துக்கு விளைபொருள்கள் ஏலம்

அந்தியூா் ஒழுங்குமுறை விற்பனைக் கூடத்தில் ரூ. 2.96 லட்சத்துக்கு வேளாண்மை விளைபொருள்கள் ஏலம் திங்கள்கிழமை நடைபெற்றது.

இங்கு விற்பனைக்கு வந்த 11,719 தேங்காய்களில் சிறியவை ரூ. 5.21 முதல் பெரியவை ரூ. 24.01 வரையில் என ரூ. 1,26,662க்கும், 9 மூட்டைகள் தேங்காய் பருப்பு கிலோ ரூ. 110.39 முதல் ரூ. 132.09 வரையில் என ரூ. 16,899க்கும், 5 மூட்டைகள் மக்காச்சோளம் கிலோ ரூ. 13.69 வீதம் ரூ. 5,722க்கும், 33 மூட்டைகள் துவரை கிலோ ரூ. 50.69 முதல் ரூ. 55.09 வரையில் என ரூ. 1,47,363க்கும் ஏலம் போனது. மொத்தம் 47 மூட்டைகள் 111.44 குவிண்டால் வேளாண்மை விளைபொருள்கள் ரூ. 2,96,646க்கு விற்பனையானது என கண்காணிப்பாளா் ர.மஞ்சுளா தெரிவித்தாா்.