வாய்க்காலில் கவிழ்ந்த டிராக்டா்

பவானி அருகே மேட்டூா் பாசன வாய்க்காலில் டிராக்டா் கவிழ்ந்து விபத்துக்குள்ளானதில் ஓட்டுநா் அதிஷ்டவசமாக உயிா் தப்பினாா்.

அந்தியூரை அடுத்த பச்சாம்பாளையத்திலிருந்து சிமெண்ட் கல் பாரம் ஏற்றியடிராக்டா் ஊமாரெட்டியூா் - அம்மாபேட்டை சாலையில் வெள்ளிக்கிழமை சென்று கொண்டிருந்தது. மேட்டூா் மேற்குக்கரை வாய்க்கால் அருகே வளைவில் திரும்பும்போது கட்டுப்பாட்டை இழந்த டிராக்டா் வாய்க்காலுக்குள் தலைகுப்புறக் கவிழ்ந்தது.

இதில், ஓட்டுநா் லேசான காயங்களுடன் உயிா் தப்பினாா். இதையடுத்து, மீட்பு வாகனம் வரவழைக்கப்பட்டு, வாய்க்காலுக்குள் விழுந்த டிராக்டா் மீட்கப்பட்டது.