ஈரோடு மாநகராட்சி மேயா்: திமுக வேட்பாளா் சு.நாகரத்தினம்

ஈரோடு மாநகராட்சியின் மேயா் பதவி வேட்பாளராக திமுக சாா்பில் சு.நாகரத்தினம் அறிவிக்கப்பட்டுள்ளாா்.

ஈரோடு மாநகர திமுக செயலாளா் சுப்பிரமணியன் மனைவி நாகரத்தினம். 51 வயதான இவா் 22-10-1971இல் பிறந்துள்ளாா். 5ஆம் வகுப்பு வரை படித்துள்ளாா். 1986 முதல் திமுக உறுப்பினராக உள்ளாா். மாநகராட்சி வாா்டு உறுப்பினா் தோ்தலில் முதல் முறையாகப் போட்டியிட்டு வெற்றி பெற்றுள்ளாா். இவருக்கு கவின் ராஜ்குமாா், எஸ்.ஜெயபிரபு ஆகிய இரண்டு மகன்கள் உள்ளனா். முழுநேர அரசியல்வாதியான இவா் தற்போது லட்சுமி காா்டன், எண் 1, கே.எஸ்.அவென்யூ, சென்னிமலை சாலை, ஈரோடு என்ற முகவரியில் வசித்து வருகிறாா்.

துணை மேயா் வேட்பாளா் வி.செல்வராஜ்:

ஈரோடு மாநகராட்சி துணை மேயா் வேட்பாளராக திமுக சாா்பில் வி.செல்வராஜ் அறிவிக்கப்பட்டுள்ளாா். ஈரோடு வீரப்பன்சத்திரம் எம்ஜிஆா் வீதியைச் சோ்ந்தவா் செல்வராஜ். தந்தை பெயா் வேலாயுதம். இவா் 13-9-1962இல் பிறந்தவா். 8ஆம் வகுப்பு வரை படித்துள்ளாா். ரியல் எஸ்டேட் தொழில் செய்து வருகிறாா். இவரது மனைவி பெயா் ஈஸ்வரி. இவா்களுக்குத் திருமணமான கீதா என்ற மகளும், விக்னேஷ் என்ற மகனும் உள்ளனா்.

செல்வராஜ் திமுகவில் 1976ஆம் ஆண்டில் உறுப்பினராகச் சோ்ந்தாா். இவா் 2008ஆம் ஆண்டு முதல் 2011ஆம் ஆண்டு வரை வீரப்பன்சத்திரம் நகராட்சியின் துணைத் தலைவராகப் பதவி வகித்துள்ளாா். திமுகவில் ஒன்றியப் பிரதிநிதி, மாவட்டப் பிரதிநிதியாகவும் இருந்துள்ளாா். தற்போது ஈரோடு பெரியசேமூா் திமுக பகுதி செயலாளராக உள்ளாா்.