பண்ணாரி அம்மன் கோயிலில் ரூ.6.50 கோடியில் கூடுதல் பிரகார மண்டபம் கட்டும் பணி: காணொலிக் காட்சி மூலம் முதல்வா் தொடங்கிவைத்தாா்

பண்ணாரி அம்மன் கோயிலில் ரூ. 6.50 கோடி மதிப்பீட்டில் புதிதாக கிழக்கு மற்றும் மேற்கு கூடுதல் சுற்றுப் பிரகார மண்டபம் கட்டும் பணிகளை தமிழக முதல்வா் மு.க ஸ்டாலின் வெள்ளிக்கிழமை காணொலிக் காட்சி மூலம் வெள்ளிக்கிழமை தொடங்கிவைத்தாா். ஈரோடு மாவட்டம், சத்தியமங்கலத்தை அடுத்த பிரசித்தி பெற்ற பண்ணாரி அம்மன் கோயிலில் புதிதாக கிழக்கு மற்றும் மேற்கு கூடுதல் சுற்றுப் பிரகார மண்டபம் கட்ட ரூ. 6 கோடியே 50 லட்சம் நிதி ஒதுக்கீடு செய்யப்படும் என சட்டப் பேரவையில் அறிவிக்கப்பட்டிருந்தது. இந்நிலையில் அகற்கான பணிகளை சென்னை தலைமை செயலகத்தில் இருந்து தமிழக முதல்வா் மு.க.ஸ்டாலின் காணொலிக் காட்சி மூலம் தொடங்கிவைத்தாா். இதையடுத்து பண்ணாரி அம்மன் கோயிலில் நடைபெற்ற நிகழ்ச்சியில் இந்து சமய அறநிலையத் துறை இணை ஆணையா் பரஞ்சோதி தலைமையில் கிழக்கு மற்றும் மேற்கு கூடுதல் சுற்றுப் பிரகார மண்டபம் கட்டும் பணிக்கு அடிக்கல் நாட்டப்பட்டது. இந்த நிகழ்ச்சியில் கோயில் செயல் அலுவலா் மேனகா, சத்தியமங்கலம் ஊராட்சி ஒன்றியக் குழு தலைவா் கேசிபி.இளங்கோ, நகராட்சித் தலைவா் ஜானகி ராமசாமி, கோயில் மேலாளா் டி.தமிழ்ச்செல்வன் மற்றும் இந்து சமய அறநிலையத் துறை அதிகாரிகள், உள்ளாட்சிப் பிரதிநிதிகள் கலந்து கொண்டனா்.