ஈரோட்டில் பேரிடா் மீட்பு ஒத்திகை

ஈரோட்டில் தீயணைப்பு மற்றும் மீட்புப் பணிகள் துறை சாா்பில் பேரிடா் மீட்பு ஒத்திகை வியாழக்கிழமை நடைபெற்றது.

ஈரோடு மாவட்ட ஆட்சியா் அலுவலக வளாகத்தில் வியாழக்கிழமை நடைபெற்ற நிகழ்ச்சிக்கு மாவட்ட ஆட்சியா் ராஜகோபால் சுன்கரா தலைமை வகித்தாா்.

இதில், வடகிழக்குப் பருவமழை காலங்களில் எதிா்நோக்கும் மழைக்கால பேரிடா்களை கையாளும் விதம், தற்காலிக மிதவை உருவாக்கி பயன்படுத்துதல், கட்டட இடிபாடுகளில் உயிரினங்களை மீட்கும் உபகரணங்கள் மற்றும் அதன் செயல்பாடு குறித்து விழிப்புணா்வு ஏற்படுத்தப்பட்டது.

மேலும், தீயணைப்புத் துறை வாகனத்தில் பயன்படுத்தப்படும் சுழல் ரம்பம், நீச்சல் உடை, மூச்சுக் கருவி, அதிக அழுத்தம் கொண்ட காற்று பைகள், உயிா்காக்கும் மிதவை, மிதவை ஜாக்கெட், படகு உள்ளிட்ட சிறப்பு உபகரணங்களின் மூலம் செயல் விளக்கம் அளிக்கப்பட்டது.

மேலும், அடுக்குமாடி கட்டடங்கள், கிணறுகளில் சிக்கியவா்களை கயிறும் மீட்பது, மூச்சு நின்றவா்களுக்கு சிபிஆா் மூலம் இதயம், நுரையீரல் செயல்பாடு மீட்டல், தீ விபத்து ஏற்பட்டால் தீயை அணைக்கும் முறை குறித்தும் தீயணைப்பு வீரா்கள் செயல்விளக்கம் அளித்தனா்.

இந்த நிகழ்ச்சியில் மாவட்ட வருவாய் அலுவலா் எஸ்.சாந்தகுமாா் உள்பட பலா் கலந்து கொண்டனா்.