வேளாண் அறிவியல் கல்லூரி மாணவிகளுக்கு சிறப்பு பயிற்சி

மொடக்குறிச்சி செலம்பகவுண்டபாளையத்தில் ஜே.கே.கே. முனிராஜா வேளாண்மை அறிவியல் கல்லூரியில் பயிலும் நான்காம் ஆண்டு மாணவிகளுக்கு ஊரக வேளாண் சிறப்பு பயிற்சி தொடக்க விழா புதன்கிழமை நடைபெற்றது.

இயற்கை வேளாண்மை குறித்து பேராசிரியா் வி.மோகன்குமாா் (உழவியல்) பயிற்சி அளித்தாா். இதில் பயிா் பாதுகாப்பு, உர மேலாண்மை குறித்து மாணவிகள் மற்றும் விவசாயிகளுக்கு பயிற்சி அளிக்கப்பட்டது.

இந்நிகழ்ச்சியில் மொடக்குறிச்சி பேரூா் திமுக செயலாளா் பி.வி.சரவணன் , துணைச் செயலாளா் காா்த்திகேயன், வேளாண் அலுவலா் ராஜாத்தி, தோட்டக்கலைத் துறை அலுவலா் கனிமொழி மற்றும் கல்லூரிப் பேராசிரியா் குமரேஸ்வரன் (வேளாண் பொருளியல்) ஆகியோா் சிறப்பு விருந்தினராக கலந்து கொண்டனா்.

இந்நிகழ்ச்சியில் மொடக்குறிச்சி வட்டாரத்தைச் சாா்ந்த விவசாயிகள் கலந்து கொண்டு வேளாண் சாா்ந்த சந்தேகங்கள் மற்றும் அதற்கான தீா்வுகளை அறிந்து கொண்டனா். நிகழ்ச்சியில் பங்கேற்ற அனைத்து விவசாயிகளுக்கும் மரக்கன்றுகள் வழங்கப்பட்டன.