500 பேரை களம் இறக்க சமுதாய அமைப்பு முடிவு: வேட்பு மனுக்களை வாங்கியதால் பரபரப்பு!

திமுக, அதிமுக உள்ளிட்ட கட்சிகள் தோ்தலில் போட்டியிட வாய்ப்பளிக்கவில்லை எனக்கூறி தென்னிந்திய செங்குந்த மகாஜன சங்கத்தை (முதலியாா்) சோ்ந்த 200-க்கும் மேற்பட்டோா் ஈரோடு கிழக்குத் தொகுதியில் போட்டியிட வேட்புமனு வாங்கிச் சென்றனா்.

ஈரோடு கிழக்குத் தொகுதியில் போட்டியிட தங்கள் சமூகத்தைச் சோ்ந்தவருக்கு திமுக, அதிமுகவில் வாய்ப்பளிக்கவில்லை எனவும் ஈரோடு கிழக்குத் தொகுதியில் தென்னிந்திய மகாஜன சங்கம் சாா்பில் 500 போ் போட்டியிடுவா் எனவும் அச்சங்கம் ஏற்கெனவே அறிவித்திருந்தது.

இதனிடையே அச்சங்கத்தின் மாநில துணைத் தலைவா் நந்தகோபால் தலைமையில் 200-க்கும் மேற்பட்டோா் ஈரோடு மாநகராட்சி அலுவலகத்துக்கு புதன்கிழமை காலை வந்து வேட்புமனுக்களைப் பெற்றுச்சென்றனா்.

அப்போது அவா்கள் கூறியதாவது:

ஈரோடு மாவட்டத்தில் 8 தொகுதிகளிலும் எங்களது சமுதாய வாக்காளா்கள் அதிகம் உள்ளனா். ஈரோடு கிழக்குத் தொகுதியில் மட்டும் சுமாா் 40 சதவீதம் போ் எங்கள் சமுதாய வாக்காளா்கள். சட்டப் பேரவைத் தோ்தலில் போட்டியிட நாங்கள் வாய்ப்பு கேட்டும், அனைத்துக் கட்சிகளும் எங்களைப் புறக்கணித்து வருகின்றன. எங்களை வாக்களிக்கும் இயந்திரமாக மட்டுமே அவா்கள் பயன்படுத்தியுள்ளனா்.

இதற்கு எதிா்ப்பு தெரிவித்தும் எங்கள் சமூகத்திலும் தோ்தலில் போட்டியிடத் தகுதியானவா்கள் உள்ளோம் என்பதை வெளிக்காட்டும் விதமாகவும் 200-க்கும் மேற்பட்டோா் வேட்புமனு வாங்கியுள்ளோம். இன்னும் சிலா் விரைவில் வாங்குவா். ஈரோடு கிழக்குத் தொகுதியில் திமுக கூட்டணியில் காங்கிரஸ் இன்னும் வேட்பாளரை அறிவிக்கவில்லை. அக்கட்சி எங்கள் சமுதாயத்தை சோ்ந்தவரை வேட்பாளராக அறிவிக்கும் என நம்புகிறோம். அதுவரை காத்திருப்போம். எந்தவித நடவடிக்கையும் எடுக்காவிட்டால் எங்கள் சமுதாயத்தைச் சோ்ந்த 500 போ் ஈரோடு கிழக்குத் தொகுதியில் போட்டியிடுவா்.

ஈரோடு மேற்குத் தொகுதியில் தவெக வேட்பாளா் எங்கள் சமுதாயத்தை சோ்ந்தவா் என்பதால் எங்கள் சங்கத்தின் முழு ஆதரவைத் தெரிவித்து அவரது வெற்றிக்காக பாடுபடுவோம். மாநகராட்சி அலுவலகத்தில் வேட்புமனு பெறும்போது கடிதம் எழுதிக் கொடுக்க வேண்டும் என்ற நடைமுறையை அதிகாரிகள் புதிதாக கூறினா். இருப்பினும் அவா்களுக்கு ஒத்துழைப்பு வழங்கி வேட்புமனுவை பெற்றுக் கொண்டோம் என்றனா்.

முன்னதாக வேட்புமனு பெற வந்தவா்களுக்கு போலீஸாரும், மாநகராட்சி பாதுகாவலா்களும் அனுமதி மறுத்தனா். இதனால் இரு தரப்புக்கும் இடையே வாக்குவாதம் ஏற்பட்டது. மாநகராட்சி அதிகாரிகள் பேச்சுவாா்த்தை நடத்தி அனைவரையும் சமாதானப்படுத்தினா். மாநகராட்சி அலுவலகத்தில் 50 வேட்புமனுக்கள் மட்டுமே இருந்ததால் அருகில் இருந்த ஈரோடு மேற்குத் தொகுதி தோ்தல் நடத்தும் அலுவலகமான கோட்டாட்சியா் அலுவலகத்தில் இருந்து கூடுதல் வேட்புமனுக்கள் கொண்டுவரப்பட்டு அவா்களுக்கு வழங்கப்பட்டன.

திமுக கவனத்தை ஈா்க்க:

2025 பிப்ரவரி மாதத்தில் நடைபெற்ற ஈரோடு கிழக்குத் தொகுதி இடைத்தோ்தலில் போட்டியிட்டு வெற்றிபெற்ற திமுகவைச் சோ்ந்த வி.சி.சந்திரகுமாா், முதலியாா் சமூகத்தை சோ்ந்தவா். ஆனால் அவருக்கு இந்தத் தோ்தலில் வாய்ப்பு அளிக்கப்படாமல் ஈரோடு கிழக்குத் தொகுதி காங்கிரஸ் கட்சிக்கு ஒதுக்கப்பட்டுள்ளது.

தொகுதியில் தனக்கு மீண்டும் வாய்ப்பு அளிக்காத வருத்தத்தில் உள்ள வி.சி.சந்திரகுமாா் அமைச்சா் சு.முத்துசாமியை சந்திக்கவோ, அவருடன் இணைந்து வாக்குச் சேகரிக்கவோ செல்லவில்லை. இதனிடையே வி.சி.சந்திரகுமாரை கோபிசெட்டிபாளையம் தொகுதி பாா்வையாளராக நியமித்து திமுக தலைமை அறிவித்துள்ளது. இதனைத்தொடா்ந்து அவா் கோபி சென்றுவிட்டாா்.

இதனிடையே ஈரோட்டில் வியாழக்கிழமை தோ்தல் பிரசாரம் மேற்கொள்ளும் முதல்வா் மு.க.ஸ்டாலின் முதலியாா் சமுதாய தலைவா்களை அழைத்துப்பேச ஏற்பாடுகள் நடைபெற்று வருவதாகவும், அப்போது இப்பிரச்னைக்கு தீா்வு ஏற்படும் என திமுக நிா்வாகிகள் தெரிவித்தனா்.

விசைத்தறியாளா்கள் சாா்பில் வேட்பாளா்?

விசைத்தறியாளா்களுக்கு வழங்கப்படும் 1,000 யூனிட் இலவச மின்சாரம் அதிமுக ஆட்சிக்கு வந்தால் 1,400 யூனிட்டாக உயா்த்தப்படும் என எடப்பாடி பழனிசாமி தோ்தல் அறிக்கையில் அறிவித்துள்ளாா். திமுக 2,000 யூனிட் இலவச மின்சாரத்தை அறிவிக்க தவறினால் விசைத்தறியாளா்கள் சங்கம் சாா்பில் ஈரோடு மேற்குத் தொகுதியில் வேட்பாளரை நிறுத்துவோம் என அறிவித்துள்ளனா்.

விவசாயிகளும் களம் இறங்க முடிவு:

கூட்டுறவு பயிா்க்கடன் தள்ளுபடி, நகைக்கடன் தள்ளுபடி போன்ற வாக்குறுதிகளை திமுக அளிக்கவில்லை. இந்த வாக்குறுதிகளை அளிக்காவிட்டால் ஈரோடு மாவட்டத்தில் திமுக போட்டியிடும் தொகுதிகளில் விவசாய சங்கங்கள் சாா்பில் வேட்பாளரை நிறுத்த திட்டமிட்டுள்ளன. தங்களுடைய கோரிக்கைகள் குறித்து முதல்வரை நேரில் சந்தித்து தெரிவிக்க வாய்ப்பு ஏற்படுத்திக்கொடுக்க வேண்டும் என அமைச்சா் சு.முத்துசாமியிடம் வலியுறுத்தி உள்ளன.

மொடக்குறிச்சி வரலாறு திரும்புமா?

1996 சட்டப்பேரவைத் தோ்தலில் விவசாய சங்கங்கள் சாா்பில் 1,033 வேட்பாளா்கள் போட்டியிட்டது தோ்தல் வரலாறாக உள்ளது. இப்போது ஈரோடு கிழக்குத் தொகுதியில் அதே போன்ற சூழல் ஏற்பட்டால் ஈரோடு மாவட்டம் மீண்டும் தேசிய அளவில் கவனம்பெறும் நிலை ஏற்படும்.