இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

வேலை வாங்கித் தருவதாக ரூ.26 லட்சம் மோசடி: 4 ஆண்டுகளுக்குப் பின் இளைஞா் கைது

கைது - பிரதிப் படம்

Updated On :

வேலை வாங்கித் தருவதாக கூறி 3 பேரிடம் ரூ.26 லட்சம் பெற்று மோசடி செய்த வழக்கில் 4 ஆண்டுகளுக்குப் பின்னா் இளைஞா் கைது செய்யப்பட்டாா்.

கோபியைச் சோ்ந்தவா் கோபிநாத். இவா் கடந்த 2022- ஆம் ஆண்டு ஈரோடு மாவட்ட குற்றப் பிரிவில் புகாா் அளித்தாா். அதில், அரசு வேலை வாங்கித் தருவதாக கூறி தன்னிடம் மட்டுமின்றி மேலும் 2 பேரிடம் மொத்தம் ரூ.26 லட்சம் பெற்று கொண்ட கும்பல் வேலை வாங்கிக் கொடுக்காமலும், பணத்தை திருப்பிக் கொடுக்காமலும் உள்ளனா். பணத்தை பெற்று ஏமாற்றி மோசடி செய்த நபா்கள் மீது நடவடிக்கை எடுக்க வேண்டும் என்று மனுவில் குறிப்பிட்டு இருந்தாா்.

தொடா்ந்து ஈரோடு மாவட்ட குற்றப் பிரிவு போலீஸாா் வழக்குப் பதிவு செய்தனா். இதில், அரசு வேலை வாங்கித் தருவதாக கூறி ஏமாற்றி மோசடி செய்த பாலகிருஷ்ணன், திவாகா் ஆகியோரை போலீஸாா் கைது செய்தனா். இக்கும்பலை சோ்ந்த நாகமணி என்பவா் உயிரிழந்தாா். இதில் மேலும் இருவரை போலீஸாா் தேடி வந்தனா்.

இந்நிலையில், கோவை மாவட்டம், பட்டணம் பகுதியில் உள்ள வீட்டில் நரேந்திரன் மகன் தினேஷ் (32) இருப்பது ஈரோடு மாவட்ட குற்றப் பிரிவு போலீஸாருக்கு ஞாயிற்றுக்கிழமை தெரியவந்தது. போலீஸாா் அங்கு சென்று அவரைப் பிடித்து கைது செய்தனா். பின்னா் நீதிமன்ற உத்தரவுப்படி ஈரோடு கிளை சிறையில் அடைத்தனா். இவ்வழக்கில் தலைமறைவாக உள்ள நாகராஜ் என்பவரை போலீஸாா் தேடி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.