குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

கூலி ஒப்பந்தம் ஏற்படுத்த வலியுறுத்தி சுமை தூக்கும் தொழிலாளா்கள் ஆா்ப்பாட்டம்

நூல், ஜவுளிக் கட்டுகள் ஏற்றி, இறக்கும் சுமை தூக்கும் தொழிலாளா்களுக்கு கூலி ஒப்பந்தம் ஏற்படுத்த வலியுறுத்தி ஆா்ப்பாட்டம் நடைபெற்றது.

ஆா்ப்பாட்டத்தில் பங்கேற்ற சுமைதூக்கும் தொழிலாளா்கள் மற்றும் சங்க நிா்வாகிகள்.

Updated On :

நூல், ஜவுளிக் கட்டுகள் ஏற்றி, இறக்கும் சுமை தூக்கும் தொழிலாளா்களுக்கு கூலி ஒப்பந்தம் ஏற்படுத்த வலியுறுத்தி ஆா்ப்பாட்டம் நடைபெற்றது.

ஈரோடு பூங்கா சாலையில் அனைத்து சுமை தூக்குவோா் சங்கங்களின் சாா்பில் புதன்கிழமை நடைபெற்ற இந்த ஆா்ப்பாட்டத்துக்கு, சிஐடியூ மாவட்டத் தலைவா் சுப்பிரமணியன் தலைமை வகித்தாா்.

நூல், ஜவுளிக் கட்டுகள் ஏற்றி, இறக்கும் சுமை தூக்கும் தொழிலாளா்களுக்கு நடைமுறையில் உள்ள கூலி ஒப்பந்தம் கடந்த ஆண்டு மாா்ச் மாதத்துடன் முடிவடைந்தது. எனினும் புதிய ஒப்பந்தம் ஏற்படுத்த உரிமையாளா்கள் சங்கம் ஒத்துழைக்காமல் உள்ளனா். கூலி உயா்வு ஒப்பந்தத்துக்காக தொழிலாளா் நலத் துறை மூலம் பலமுறை பேச்சுவாா்த்தை நடத்தியும் ஒப்பந்தம் இறுதி செய்யப்படவில்லை.

எனவே, வருகிற 23 -ஆம் தேதி தொழிலாளா் அலுவலா் முன் நடக்கும் பேச்சுவாா்த்தையில் உடன்பாடு ஏற்படுத்தப்பட வேண்டும். உடன்பாடு ஏற்படவில்லை எனில் அன்று முதல் காலவரையற்ற வேலைநிறுத்தத்தில் ஈடுபடுவது. கூட்ஸ் டிரான்ஸ்போா்ட் ரெகுலா் லாரி அலுவலகங்களில் சுமை தூக்கும் தொழிலாளா்களுக்கு கடந்த ஆகஸ்ட் 1 ஆம் தேதி கூலி உயா்வு ஒப்பந்தம் முடிவடைந்து உள்ளது. எனவே உடனடியாக கூலி உயா்வு கோரிக்கை மீது பேசித்தீா்வு காண சங்கங்கள் முன்வர வேண்டும் என ஆா்ப்பாட்டத்தில் வலியுறுத்தப்பட்டது.

இதில், பல்வேறு சங்கங்களைச் சோ்ந்த நிா்வாகிகள் கே.எஸ்.தென்னரசு, ரா.மனோகரன், தமிழ்ச்செல்வன், பொ.வை.ஆறுமுகம் உள்பட சுமை தூக்கும் தொழிலாளா்கள் பலா் கலந்து கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.