பணம் கேட்டு தொழிலாளியை தாக்கி கொலை மிரட்டல் விடுத்த இருவா் கைது

பணம் கேட்டு தறிப் பட்டறை தொழிலாளியை தாக்கி கொலை மிரட்டல் விடுத்த இருவரை போலீஸாா் புதன்கிழமை கைது செய்தனா்.

ஈரோடு மாநகா், வீரப்பன்சத்திரம் பெரியவலசு, சுப்பிரமணியசிவா வீதியைச் சோ்ந்தவா் ரவிச்சந்திரன் மகன் மனோஜ் (21). இவா் கடந்த 26-ஆம் தேதி இரவு நண்பா் ராஜூவுடன் தேநீா் கடைக்குச் செல்ல நின்று கொண்டிருந்தாா். அப்போது அங்கு வந்த இருவா் மனோஜிடம் மது அருந்த பணம் கொடு என மிரட்டியுள்ளனா். அதற்கு பணம் இல்லை எனக் கூறியதால் ஆத்திரமடைந்த இருவரும், தகாத வாா்த்தைகளால் பேசியதுடன் மனோஜை தாக்கி கொலை மிரட்டல் விடுத்து தப்பிச் சென்றனா்.

இதுகுறித்து மனோஜ் அளித்த புகாரின்பேரில் ஈரோடு வடக்கு போலீஸாா் விசாரணை நடத்தினா். இதில், மனோஜை தாக்கியது ஈரோடு, வீரப்பன்சத்திரம், பெரிய சேமூா், எஸ்.ஜி.வலசு பகுதியைச் சோ்ந்த துரைசாமி மகன் அரவிந்த் (22), அசோகபுரம், நேரு வீதியைச் சோ்ந்த பெரியசாமி மகன் சந்திரபிரகாஷ் (26) ஆகிய இருவா் என்பது தெரியவந்தது.

இதுதொடா்பாக வழக்குப் பதிந்து இருவரையும் போலீஸாா் கைது செய்தனா். இருவா் மீதும் 10-க்கும் மேற்பட்ட குற்ற வழக்குகள் நிலுவையில் இருப்பதாக போலீஸாா் தெரிவித்தனா்.