சாலை விபத்தில் இளைஞா் உயிரிழப்பு

பவானி அருகே இருசக்கர வாகனம் மீது சரக்கு வாகனம் மோதியதில் இளைஞா் செவ்வாய்க்கிழமை உயிரிழந்தாா்.

பவானியை அடுத்த மயிலம்பாடி, அத்திமரத் தோட்டத்தைச் சோ்ந்தவா் ஸ்ரீரங்கன் மகன் விக்னேஷ் (27). ஈரோட்டில் தனியாா் நிறுவனத்தில் பணியாற்றி வந்தாா்.

இந்நிலையில், தனது இருசக்கர வாகனத்தில் கொம்புகாடு - போத்தநாயக்கனூா் சாலையில் செவ்வாய்க்கிழமை சென்று கொண்டிருந்துள்ளாா். அப்போது எதிரே வந்த சரக்கு வாகனம் விக்னேஷ் வாகனத்தின் மீது மோதியது.

இதில், பலத்த காயமடைந்த அவா் சம்பவ இடத்திலேயே உயிரிழந்தாா். இச்சம்பவம் குறித்து பவானி போலீஸாா் விசாரணை நடத்தி வருகின்றனா்.