குன்னூர் - உதகை சாலையில் ராட்சத மரம் விழுந்து 2 மணி நேரம் போக்குவரத்து பாதிப்பு

குன்னூர் - உதகை சாலையில் அருவங்காடு பகுதியில் புதன்கிழமை  ராட்சத மரம்  விழுந்ததில்  2 மணி நேரம் போக்குவரத்து பாதிக்கப்பட்டது.
நீலகிரி மாவட்டம், குன்னூர்  சுற்றுவட்டாரப் பகுதிகளில் கடந்த இரண்டு நாள்களாக  பலத்த  மழை பெய்தது. 
இந்நிலையில் குன்னூர் -  மேட்டுப்பாளையம்   சாலையின் குறுக்கே  செவ்வாய்க்கிழமை  மரம் விழுந்ததால் குரும்பாடி, மரப்பாலம் பகுதியில் போக்குவரத்து பாதிக்கப்பட்டது.  
தீயணைப்புத்  துறையினர், நெடுஞ்சாலைத் துறையினர், காவல் துறையினர் இணைந்து  மரத்தை  அகற்றி  போக்குவரத்தை  சீர் செய்தனர்.
இந்நிலையில்,  குன்னூர் - உதகை சாலையில் அருவங்காடு பகுதியில் ராட்சத மரம் புதன்கிழமை  இரவு விழுந்தது.  அப்போது அவ்வழியாக வந்த அரசுப் பேருந்து உடனடியாக நிறுத்தப்பட்டதால் பெரும் விபத்து தவிர்க்கப்பட்டது. இதனால்  2  மணி நேரத்திற்கும் மேலாக  போக்குவரத்து பாதிக்கப்பட்டது. தீயணைப்புத் துறையினர் வந்து மரத்தை வெட்டி அகற்றியப் பின் போக்குவரத்து சீரானது.