தூதூர்மட்டத்தில் மேராக்காய் தோட்டங்களை சேதப்படுத்திய காட்டு யானைகள்

மஞ்சூர் அருகே தூதூர்மட்டம் கிராமத்தில் விளைநிலத்துக்குள் காட்டு யானைகள் புகுந்து மேராக்காய் தோட்டங்களை சேதப்படுத்தின.
நீலகிரி மாவட்டம், மஞ்சூர் அருகே மானார், தூதூர்மட்டம், கோட்டக்கல், தைமலை உள்ளிட்ட பகுதிகள் அடர்ந்த வனப் பகுதி, தேயிலைத் தோட்டங்களுக்கு இடையே அமைந்துள்ளன.  
இந்நிலையில், மானார் குடியிருப்பு அருகே  ரேஷன் கடை,  ஊராட்சி ஒன்றியப் பள்ளியில் உள்ள சத்துணவு அரிசி, பருப்புகளை சாப்பிட குட்டியுடன் 6 யானைகள் கடந்த ஒரு வாரமாக இப்பகுதியில் சுற்றித்திரிகின்றன.
இப்பகுதியில் உள்ள யானைகள் வனப் பகுதி வழியாக தூதூர்மட்டம் பகுதிக்குள் புகுந்து விளைநிலத்திலுள்ள மேராக்காய் தோட்டங்களை சேதப்படுத்தின.  
தூதூர்மட்டம் உயர்நிலைப் பள்ளி அருகே உள்ள விளைநிலங்களையும் சேதப்படுத்தியன. பள்ளிக்கு அருகே காட்டு யானைகள் தொடர்ந்து முகாமிட்டு வருவதால் மாணவர்கள், பெற்றோர்கள் மத்தியில் அச்சம் ஏற்பட்டுள்ளது.