வனத் துறை அமைச்சா் கா.ராமசந்திரனுக்கு கரோனா தொற்று உறுதி

வனத் துறை அமைச்சா் கா.ராமசந்திரனுக்கு கரோனா தொற்று உறுதி செய்யப்பட்டுள்ளதையடுத்து, வீட்டிலேயே தன்னைத் தனிமைப்படுத்திக் கொண்டுள்ளாா்.

நீலகிரி மாவட்டத்தில் கரோனா தொற்று பரவல் வேகமாக அதிகரித்து வருகிறது. கடந்த ஜனவரி 1ஆம் தேதி இருவருக்கு மட்டுமே தொற்று இருந்த நிலையில், தற்போது சராசரியாக நாளொன்றுக்கு 250 போ் வரை தொற்றால் பாதிக்கப்படுகின்றனா். இந்நிலையில், வனத் துறை அமைச்சா் கா.ராமசந்திரன் தமிழக சட்டப் பேரவை கூட்டத் தொடா் முடிவடைந்ததில் இருந்து குன்னூா் சட்டப் பேரவைத் தொகுதிக்கு உள்பட்ட கிராமங்களுக்கு நேரில் சென்று நன்றி தெரிவித்து வருகிறாா். இதற்கிடையே எதிா்வரும் நகா்ப்புற உள்ளாட்சித் தோ்தலை முன்னிட்டு, உதகையில் உள்ள நீலகிரி மாவட்ட திமுக அலுவலகத்தில் கடந்த புதன்கிழமை நடைபெற்ற நோ்காணல் நிகழ்ச்சியிலும் பங்கேற்றாா்.

இந்த நிகழ்ச்சி முடிந்த நிலையில் இளித்தொரை கிராமத்தில் உள்ள தனது வீட்டுக்குச் சென்ற அமைச்சா் ராமசந்திரனுக்கு இரவில் திடீரென காய்ச்சல் ஏற்பட்டுள்ளது. இதைத்தொடா்ந்து, மருத்துவா் வீட்டிற்கு வரவழைக்கப்பட்டு சிகிச்சை அளிக்கப்பட்டுள்ளது. அதைத்தொடா்ந்து, வியாழக்கிழமை காலையில் அவருக்கு கரோனா தொற்று பரிசோதனை எடுக்கப்பட்டது. அதன் முடிவில் அவருக்கு தொற்று இருப்பது உறுதிப்படுத்தப்பட்டுள்ளது. இதையடுத்து அவா் வீட்டிலேயே தனிமைப்படுத்திக் கொண்டுள்ளாா்.

அதேபோல, அவரது குடும்ப உறுப்பினா்கள் சிலருக்கும் தொற்று உறுதி செய்யப்பட்டதையடுத்து அவா்களும் தனிமைப்படுத்திக் கொண்டுள்ளனா்.

நீலகிரி மாவட்ட நீதிமன்றம் மூடல்:

இதற்கிடையே உதகையில் உள்ள மாவட்ட நீதிமன்றத்தில் கரோனா தொற்று பரவியுள்ளது. இதுதொடா்பாக கரோனா பரிசோதனை மேற்கொள்ளப்பட்டதில் நீதித் துறை அலுவலா்கள், நீதிமன்றப் பணியாளா்கள் ஆகியோருடன் வழக்குரைஞா்கள் சிலருக்கும் என 43 பேருக்கு கரோனா தொற்று உறுதிப்படுத்தப்பட்டது.

இதையடுத்து, மாவட்ட நீதிமன்றம் மூடப்பட்டுள்ளது. மறு உத்தரவு வரும் வரை காணொலிக் காட்சி மூலமாகவே நீதிமன்ற நடவடிக்கைகள் நடைபெறும் எனத் தெரிவிக்கப்பட்டுள்ளது. குன்னூா் சாா்பு நீதிமன்றத்திலும் 7 பேருக்கு கரோனா தொற்று உறுதிபடுத்தப்பட்டுள்ளதையடுத்து குன்னூா் நீதிமன்றமும் மூடப்பட்டுள்ளது.

அதேபோல, குன்னூரில் உள்ள ஒரு நட்சத்திர விடுதி, உதகையில் உள்ள ஒரு துணிக்கடை ஆகியவற்றில் பணியாற்றும் 50க்கும் மேற்பட்டவா்களுக்கு கரோனா தொற்று உறுதிப்படுத்தப்பட்டுள்ளது. இதையடுத்து, கடந்த சில நாள்களாக மூடப்பட்டிருந்த இந்நிறுவனங்கள் வெள்ளிக்கிழமை முதல் மீண்டும் செயல்படத் தொடங்கியுள்ளன.