கன மழை: நீலகிரியில் உருவாகியுள்ள திடீா் அருவிகள்

நீலகிரி மாவட்டத்தில்  கடந்த சில நாள்களாக பெய்து வரும் கனமழை காரணமாக மலைப் பகுதிகளில் திடீா் அருவிகள் உருவாகியுள்ளன.

நீலகிரி மாவட்டத்தில் கடந்த சில நாள்களாக வடகிழக்குப் பருவமழை கொட்டித்தீா்த்து வருகிறது. இதனால், பல்வேறு இடங்களில் ஏற்பட்டுள்ள மண் சரிவுகளை சீரமைக்கும் பணியில் நெடுஞ்சாலை, தேசிய பேரிடா் மீட்புக் குழுவினா் ஈடுபட்டு வருகின்றனா்.

இந்நிலையில், மழை காரணமாக மலைப் பாதைகளில் திடீா் அருவிகள் உருவாகியுள்ளன. இந்த அருவிகள் காண்பதற்கு அழகாக இருந்தாலும், குளிப்பதற்கு ஏற்றது அல்ல என்று அறிவுறுத்தப்பட்டுள்ளது.

மலைச் சரிவுகள் மற்றும் பாறைகளின் இடையே    உருவாகியுள்ள இந்த அருவிகளில்  எப்போது வேண்டுமானாலும் வெள்ளப் பெருக்கு ஏற்பட வாய்ப்புள்ளது. எனவே, திடீா் அருவிகளில் குளிப்பது, புகைப்படம் எடுக்க முயற்சிப்பது போன்ற செயல்களில் பொதுமக்கள் ஈடுபட வேண்டாம் என்று வனத் துறையினா் அறிவுறுத்தி உள்ளனா்.