ரயில் மோதி ஆண் சாவு

உடுமலை அருகே ரயில் மோதியதில் ஒருவர் உயிரிழந்தார்.

உடுமலையை அடுத்த ராகல்பாவியைச் சேர்ந்த நாச்சிமுத்துவின் மகன் கிட்டுச்சாமி (55). இவரது சடலம் ராகல்பாவி பகுதியில் உள்ள தண்டவாளத்தில் கிடப்பதாக போலீஸாருக்குத் தகவல் கிடைத்தது. இதையடுத்து, அங்கு சென்ற உடுமலை போலீஸார், கிட்டுச்சாமியின் சடலத்தைக் கைப்பற்றி விசாரணை நடத்தினர். அதில், ஞாயிற்றுக்கிழமை இரவு, ரயில் மோதியதில் கிட்டுச்சாமி உயிரிழந்திருக்கலாம் என போலீஸார் தெரிவித்தனர்.