தொழிலாளர் நலச் சட்டங்களை அமல்படுத்த வேண்டும்: மில் தொழிலாளர் சங்கம்

திருப்பூர் மாவட்ட மில் தொழிலாளர் சங்க (ஏஐடியூசி) 3ஆவது மாவட்ட மாநாட்டில் தொழிலாளர் நலச் சட்டங்களை அமல்படுத்த வேண்டும் என வலியுறுத்தப்பட்டது.
உடுமலையில் ஞாயிற்றுக்கிழமை நடைபெற்ற இந்த மாநாட்டுக்கு பி.சுப்பிரமணியம் தலைமை வகித்தார். 
இதில் நிறைவேற்றப்பட்ட தீர்மானங்கள் விவரம்:
பஞ்சாலைத் தொழிலாளர்களுக்கு 8 மணி நேர வேலைக்கு ரூ. 421 வீதம் நிர்வாகங்கள் வழங்க வேண்டும். சுமங்கலித் திட்டம் என்ற பெயரிலான  நவீன கொத்தடிமைத் திட்டத்தை ஒழிக்க  வேண்டும். 
தொழிலாளர் நலச் சட்டங் ளை அமல்படுத்த வேண்டும். தொழிலாளர்களுக்கு இ.எஸ்.ஐ., பி.எப். ஆகியவை முறைப்படி கிடைக்க நடவடி க்கை எடுக்க வேண்டும் என்பன உள்ளிட்ட பல்வேறு தீர்மானங்கள்  நிறைவேற்றப்பட்டன.
இதில்,  புதிய நிர்வாகிகள் தேர்வு செய்யப்பட்டனர். மாவட்டத் தலைவராக பி.சுப்பிரமணியம், பொதுச் செயலாளராக வி.சௌந்திரராஜன், பொருளாளராக கே.நடராஜ் ஆகியோர் தேர்வு செய்யப்பட்டனர். மாநிலச் செயலாளர்கள் நா.பெரியசாமி, எஸ்.சின்னச்சாமி, வட்டாரச் செயலாளர் கே.எஸ்.ரணதேவ் உள்ளிட்டோர் கோரிக்கைகளை வலியுறுத்தினர்.