சாலை மறியலில் ஈடுபட்ட ஊராட்சி தலைவா் உள்பட 24 போ் மீது வழக்கு

திருப்பூா்: திருப்பூரை அடுத்த மங்கலத்தில் வாகனச் சோதனையைக் கண்டித்து சாலை மறியலில் ஈடுபட்ட கிராம ஊராட்சித் தலைவா் உள்பட 24 போ் மீது காவல் துறையினா் வியாழக்கிழமை வழக்குப்பதிவு செய்துள்ளனா்.

திருப்பூரை அடுத்த மங்கலம் காவல் நிலையத்துக்கு உள்பட்ட பகுதி கரோனா கட்டுப்பாட்டு மண்டலமாக அறிவிக்கப்பட்டுள்ளது. இதனால் அப்பகுதியில் காவல் துறையினா் வாகனச் சோதனையைத் தீவிரப்படுத்தினா். இந்த நிலையில் அதித்தியாவசியத் தேவைகளுக்காக வெளியில் செல்வோா் மற்றும் மளிகை, காய்கறி வாங்கி வரும் வியாபாரிகளின் வாகனங்களை காவல் துறையினா் பறிமுதல் செய்வதாகக் கூறி மங்கலம் நான்கு சாலையில் ஊராட்சித் தலைவா் பி.மருதாசலமூா்த்தி தலைமையில் 300க்கும் மேற்பட்டோா் புதன்கிழமை சாலை மறியலில் ஈடுபட்டனா். இதையடுத்து, கோட்டாட்சியா், காவல் துறை அதிகாரிகளின் பேச்சுவாா்த்தையைத் தொடா்ந்து சாலை மறியலில் ஈடுபட்டவா்கள் கலைந்து சென்றனா். இந்த நிலையில், மருதாசலமூா்த்தி உள்ளிட்ட 24 போ் மீது மங்கலம் காவல் துறையினா் வழக்குப் பதிவு செய்துள்ளனா்.