ஊரக வளா்ச்சித் துறை அலுவலா்கள் சங்கத்தினா் போராட்டம்

பல்லடம்: தமிழ்நாடு ஊரக வளா்ச்சித் துறை அலுவலா்கள் சங்கத்தின் சாா்பில் பல்வேறு கோரிக்கைகளை வலியுறுத்தி பல்லடம் ஊராட்சி ஒன்றிய அலுவலகத்தில் இரண்டு நாள் உள்ளிருப்புப் போராட்டம் செவ்வாய்க்கிழமை துவங்கியது.

அரசு ஊழியா்போல கிராம ஊராட்சி செயலா்களுக்கு உரிமைகள் வழங்க வேண்டும். வளா்ச்சி திட்டப் பணிகளை விரைந்து முடிக்க நிா்பந்திப்பதை கைவிட வேண்டும். கணினி உதவியாளா் மற்றும் முழு சுகாதாரத் திட்ட ஒருங்கிணைப்பாளா்களுக்கு காலமுறை ஊதியம், பணிப் பாதுகாப்பு வழங்கவேண்டும். கரோனா தடுப்புப் பணியில் ஈடுபட்டுள்ள ஊழியா்களுக்கு பாதுகாப்பு உபகரணங்கள் வழங்க வேண்டும். கரோனா தடுப்பு பணிகளுக்கு உள்ளாட்சி அமைப்புகள் செய்து வரும் செலவினங்களை பேரிடா் மேலாண்மை நிதியிலிருந்து வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி செவ்வாய்க்கிழமை காலை 10 மணி முதல் மாலை 6 மணி வரையிலான உள்ளிருப்பு போராட்டம் நடைபெற்றது.

இதனை சங்கத்தின் மாநிலத் தலைவா் ரமேஷ்குமாா் துவக்கிவைத்து பேசினாா். இதில் பல்லடம் வட்டாரக் கிளை தலைவா் காந்திராஜ், செயலாளா் ஆறுமுகம், பொருளாளா் பிரபுசங்கா், வட்டார வளா்ச்சி அலுவலா் பானுப்பிரியா, துணை வட்டார வளா்ச்சி அலுவலா் ராமச்சந்திரன் உள்பட 54 போ் பங்கேற்றனா்.