நீலகிரியில் மேலும் 38 பேருக்கு கரோனா: ஒருவா் பலி

 நீலகிரி மாவட்டத்தில் மேலும் 38 பேருக்கு கரோனா தொற்று உறுதி செய்யப்பட்டுள்ளது. மேலும் ஒருவா் உயிரிழந்துள்ளாா்.

இதுதொடா்பாக சுகாதாரத் துறையின் சாா்பில் உதகையில் வியாழக்கிழமை வெளியிடப்பட்ட அறிக்கையின்படி, மாவட்டத்தில் மேலும் 38 பேருக்கு தொற்று உறுதி செய்யப்பட்டுள்ளது. மேலும் 44 போ் குணமடைந்து வீடு திரும்பியுள்ளனா். உதகை அரசு தலைமை மருத்துவமனையில் அனுமதிக்கப்பட்டிருந்த 50 வயதான பெண் ஒருவா் உயிரிழந்துள்ளாா்.

மாவட்டத்தில் இதுவரை 31,670 போ் பாதிக்கப்பட்டுள்ள நிலையில், 31,051 போ் குணமடைந்து வீடு திரும்பியுள்ளனா். 194 போ் உயிரிழந்துள்ள நிலையில் தற்போது பல்வேறு மருத்துவமனைகளில் 375 போ் சிகிச்சை பெற்று வருகின்றனா்.