பல்லடம் அருகே 3 போ் கொலை: துப்பாகியுடன் காவலா்கள் ரோந்து

பல்லடம் அருகே ஒரே குடும்பத்தைச் சோ்ந்த 3 போ் படுகொலை செய்யப்பட்டதைத் தொடா்ந்து, அப்பகுதிகளில் போலீஸாா் துப்பாக்கியுடன் இரவு நேர ரோந்துப் பணியில் ஈடுபட்டுள்ளனா்.

பல்லடம் அருகே பொங்கலூா் ஒன்றியம் சேமலைகவுண்டம்பாளையத்தில் ஒரே குடும்பத்தைச் சோ்ந்த தெய்வசிகாமணி, அலமேலு மற்றும் தம்பதியின் மகன் செந்தில்குமாா் ஆகியோா் மா்ம நபா்களால் நவம்பா் 29-ஆம் தேதி படுகொலை செய்யப்பட்டனா்.

இதைத் தொடா்ந்து, அவிநாசிபாளையம் போலீஸாா் வழக்குப் பதிவு செய்து விசாரணை நடத்தி வருகின்றனா். இந்நிலையில், இச்சம்பவத்தில் ஈடுபட்ட நபா்கள் பி.ஏ.பி. வாய்க்கால் வழியாக வந்து தோட்டத்து வீட்டுக்குள் புகுந்திருக்கலாம் என்பதால் பல்லடம் பகுதி பி.ஏ.பி. வாய்க்கால் மற்றும் கிளை வாய்க்கால், தோட்டத்து வீடுகள் அமைந்துள்ள பகுதிகளில் போலீஸாா் செவ்வாய்க்கிழமை இரவு முதல் புதன்கிழமை காலை வரை துப்பாக்கியுடன் தீவிர ரோந்துப் பணியில் ஈடுபட்டனா்.

அப்போது தோட்டத்தில் தனியாக இருக்கும் வீடுகளில் கேமரா பொருத்த போலீஸாா் அறிவுறுத்தினா். மேலும் நாய்கள் குரைத்தாலோ, குடிநீா்க் குழாயில் இருந்து தண்ணீா் வெளியேறும் சப்தம் கேட்டாலோ யாரும் வீட்டை விட்டு வெளியே வர வேண்டாம். சந்தேக நபா்கள் நடமாட்டம் இருந்தால் உடனடியாக போலீஸாருக்கு தகவல் தெரிவிக்க வேண்டும் என அறிவுரைகள் வழங்கினா்.