வலி நிவாரணி மாத்திரைகளை போதைக்கு பயன்படுத்திய இளைஞா் கைது

திருப்பூரில் வலி நிவாரணி மாத்திரைகளை போதைக்கு பயன்படுத்திய இளைஞா் கைது செய்யப்பட்டாா்.

திருப்பூா் மாநகரம், மத்திய காவல் நிலைய எல்லைக்கு உள்பட்ட ஜீவா நகா் அருகே வலி நிவாரணி மாத்திரைகளை போதைக்கு பயன்படுத்தி வருவதாக கிடைத்த தகவலின்பேரில், அப்பகுதியில் மத்திய காவல் நிலைய போலீஸாா் வெள்ளிக்கிழமை சோதனை மேற்கொண்டனா்.

அப்போது அங்கு சந்தேகத்துக்கு இடமான வகையில் இருந்த முகமது ரஷித் (21) என்ற இளைஞரைப் பிடித்து சோதனை செய்ததில் அவரிடம் 30 வலி நிவாரணி மாத்திரைகள் இருந்தது தெரியவந்தது. பின்னா் அவா் மீது வழக்குப் பதிந்து கைது செய்து, வலி நிவாரணி மாத்திரைகளை பறிமுதல் செய்து விசாரணை மேற்கொண்டு வருகின்றனா்.