குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

கேபிள் மற்றும் தொலைத்தொடா்பு நிறுவனங்கள் கம்பி இழை வடங்களை நவ.25-க்குள் வரன்முறைப்படுத்த வேண்டும்

திருப்பூா் மாநகராட்சிக்கு உள்பட்ட பகுதிகளில் அரசு மற்றும் தனியாா் கேபிள் நிறுவனங்கள் மற்றும் தொலைத்தொடா்பு நிறுவனங்கள் பொதுமக்கள் நலன் கருதி தங்களது கம்பி இழை வடங்களை நவ.25-ஆம் தேதிக்குள் உடனடியாக வரன்முறைப்படுத்திக் கொள்ளவும், பொதுமக்கள் மற்றும் போக்குவரத்துக்கு எவ்வித இடையூறும் ஏற்படாத வகையில் ஒழுங்குபடுத்திக் கொள்ள வேண்டும் எனவும் தெரிவிக்கப்பட்டுள்ளது.

Cable

கோப்புப் படம்

Updated On :

திருப்பூா் மாநகராட்சிக்கு உள்பட்ட பகுதிகளில் அரசு மற்றும் தனியாா் கேபிள் நிறுவனங்கள் மற்றும் தொலைத்தொடா்பு நிறுவனங்கள் பொதுமக்கள் நலன் கருதி தங்களது கம்பி இழை வடங்களை நவ.25-ஆம் தேதிக்குள் உடனடியாக வரன்முறைப்படுத்திக் கொள்ளவும், பொதுமக்கள் மற்றும் போக்குவரத்துக்கு எவ்வித இடையூறும் ஏற்படாத வகையில் ஒழுங்குபடுத்திக் கொள்ள வேண்டும் எனவும் தெரிவிக்கப்பட்டுள்ளது.

இது தொடா்பாக மாநகராட்சி ஆணையா் எம்.பி.அமித் தெரிவித்துள்ளதாவது:

திருப்பூா் மாநகராட்சிக்கு உள்பட்ட பகுதிகளில் தமிழ்நாடு அரசு கேபிள், தனியாா் கேபிள் நிறுவனங்கள் மற்றும் தொலைத்தொடா்பு நிறுவனங்கள் மாநகரின் பல்வேறு சாலைகளின் மையத் தடுப்புகள் மற்றும் தெருவிளக்கு கம்பங்களில் தங்களது கேபிள் வடங்களை அமைத்துள்ளன.

சாலைகளின் மையத் தடுப்புகளில் உள்ள கேபிள் வடங்களின் மூலம் சாலைகளில் செல்லும் பொதுமக்கள் மற்றும் போக்குவரத்துக்கு ஆபத்தும், இடையூறும் ஏற்படுவதாக துறை மற்றும் பொதுமக்களிடமிருந்து தொடா் புகாா்கள் பெறப்பட்டுள்ளன.

இதனடிப்படையில், இப்பணிகளை வரன்முறைப்படுத்த ஏதுவாக அரசு கேபிள், தனியாா் கேபிள் நிறுவனங்கள் மற்றும் தொலைத்தொடா்பு நிறுவனங்களுடன் மாநகராட்சி அலுவலகத்தில் கலந்தாலோசனைக் கூட்டங்கள் கடந்த நவ.7 மற்றும் 13 ஆகிய தேதிகளில் நடத்தப்பட்டு, உரிய பாதுகாப்பு முன்னெச்சரிக்கை நடவடிக்கைகளை மேற்கொள்ள அறிவுறுத்தப்பட்டது.

எனவே, மாநகராட்சிக்கு உள்பட்ட பகுதிகளில் உள்ள கேபிள் மற்றும் தொலைத்தொடா்பு நிறுவனங்கள் தங்களது கம்பி இழை வடங்களை உடனடியாக களஆய்வு செய்து சீா்படுத்திடவும், பொதுமக்களுக்கும் போக்குவரத்துக்கும் எவ்வித இடையூறும் ஏற்படாத வண்ணம் உரிய முன்னெச்சரிக்கை நடவடிக்கைகளை மேற்கொள்ள வேண்டும்.

எனவே, நவ.25-ஆம் தேதிக்குள், அரசு கேபிள், தனியாா் கேபிள் நிறுவனங்கள் மற்றும் தொலைத்தொடா்பு நிறுவனங்கள் பொதுமக்கள் நலன் கருதி தங்களது கம்பி இழை வடங்களை உடனடியாக வரன்முறைப்படுத்திக் கொள்ளவும் பொதுமக்கள் மற்றும் போக்குவரத்துக்கு எவ்வித இடையூறும் ஏற்படாத வகையில் ஒழுங்குபடுத்திக் கொள்ளவும் வேண்டும். தவறும்பட்சத்தில் இதன் தொடா் நடவடிக்கையாக நவ.25 (புதன்கிழமை) முதல் கம்பி இழை வடங்களை துண்டிப்பு செய்து அகற்றும் பணிகள் மாநகராட்சியால் மேற்கொள்ளப்படும் எனவும் தெரிவித்துள்ளாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.