குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

உடுமலை அருகே கால்வாயில் தள்ளி பெண் கொலை

திருப்பூா் மாவட்டம், உடுமலை அருகே கால்வாயில் தள்ளி பெண் கொலை செய்யப்பட்ட சம்பவம் குறித்து போலீஸாா் விசாரணை நடத்தி வருகின்றனா்.

கொலை செய்யப்பட்ட கீதா.

Updated On :

திருப்பூா் மாவட்டம், உடுமலை அருகே கால்வாயில் தள்ளி பெண் கொலை செய்யப்பட்ட சம்பவம் குறித்து போலீஸாா் விசாரணை நடத்தி வருகின்றனா்.

கோவை, கணபதி பகுதியைச் சோ்ந்தவா் கீதா (37). இவா் கணவா் கணேசனுடன் வசித்து வந்தாா். இதில் கீதாவுக்கு கதிரவன் என்பவருடன் திருமணத்தைத் தாண்டிய தொடா்பு ஏற்பட்டுள்ளது. அவ்வப்போது கதிரவனுக்கு தனது தங்க நகைகளை கீதா கொடுத்து வந்துள்ளாா்.

இதனிடையே, வாங்கிய நகைகளை கதிரவன் திருப்பித் தராததால், இவா்களுக்கு இடையே அடிக்கடி தகராறு ஏற்பட்டுள்ளது. இது தொடா்பாக ரத்தினபுரி காவல் நிலையத்தில் வழக்குப் பதிவு செய்யப்பட்டுள்ளது.

இந்த நிலையில், கதிரவனின் நண்பரான கோவை மாவட்டம், சூலூரைச் சோ்ந்த சண்முகவடிவேல் என்பவருடன் சோ்ந்து, கீதாவை கொலை செய்ய கதிரவன் திட்டமிட்டுள்ளாா். அதன்படி, திருப்பூா் மாவட்டம், உடுமலை அருகே குடிமங்கலம் பகுதியில் உள்ள பிஏபி கால்வாயில் கீதாவை தள்ளிவிட்டால் யாருக்கும் தெரியாது எனத் திட்டமிட்டுள்ளனா்.

பின்னா், கதிரவன் நகைகளைத் தருவதாகக் கூறி கீதாவை செவ்வாய்க்கிழமை இரவு அழைத்துச் சென்று, அங்குள்ள பிஏபி கால்வாயில் தள்ளி அவரைக் கொலை செய்ததாகத் தெரிகிறது.

இந்நிலையில் கால்வாயில் பெண் உடல் மிதப்பதாக கிடைத்த தகவலை அடுத்து, அப்பகுதியைச் சோ்ந்தவா்கள் மீட்டு உடனடியாக பொள்ளாச்சி அரசு மருத்துவமனைக்கு அனுப்பிவைத்தனா். அங்கு அவரைப் பரிசோதித்த மருத்துவா்கள் அவா் ஏற்கெனவே உயிரிழந்துவிட்டதாகத் தெரிவித்தனா். இதைத் தொடா்ந்து, அவரது சடலம் உடற்கூறாய்வுக்காக கோவை அரசு மருத்துவமனைக்கு அனுப்பிவைக்கப்பட்டது.

இந்நிலையில் சம்பவம் குறித்து குடிமங்கலம் காவல் துறையினா் வழக்குப் பதிவு செய்து விசாரணை நடத்திவந்த நிலையில் உயிரிழந்தவா் கீதா என்பதும், அவா் கொலை செய்யப்பட்டதும் தெரியவந்தது. இதையடுத்து கதிரவனைப் பிடித்து போலீஸாா் விசாரித்து வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.