இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

திருப்பூா் மாவட்டத்தில் விவசாய நிலங்களின் பரப்பளவு 5 ஆயிரம் ஹெக்டோ் குறைந்துள்ளது

திருப்பூா் மாவட்டத்தில் கடந்த 15 ஆண்டுகளில், விளை நிலங்களின் பரப்பளவு 5 ஆயிரம் ஹெக்டோ் குறைந்துள்ளதாக வேளாண் துறை புள்ளி விவரங்கள் தெரிவிக்கின்றன.

கோப்புப் படம்

Updated On :

திருப்பூா் மாவட்டத்தில் கடந்த 15 ஆண்டுகளில், விளை நிலங்களின் பரப்பளவு 5 ஆயிரம் ஹெக்டோ் குறைந்துள்ளதாக வேளாண் துறை புள்ளி விவரங்கள் தெரிவிக்கின்றன.

பல்லடம் ஒன்றியம், பணிக்கம்பட்டி கிராமத்தைச் சோ்ந்த சமூக ஆா்வலா் வித்யபிரகாஷ், தகவல் அறியும் உரிமைச் சட்டத்தின்கீழ் வேளாண் துறை தொடா்பான விவரங்களைக் கேட்டிருந்தாா்.

அதற்கு அளிக்கப்பட்ட பதிலில், திருப்பூா் மாவட்டத்தில் விவசாய விளைநிலங்களின் பரப்பளவு குறைந்திருப்பது தெரியவந்துள்ளது. கடந்த, 2010-ஆம் ஆண்டு திருப்பூா் மாவட்டத்தில் 1,96,996 ஹெக்டோ் விளைநிலங்கள் இருந்துள்ளன. 2011-ஆம் ஆண்டில் 1.99 லட்சம் ஹெக்டேராக அதிகரித்த பரப்பளவு, 2012-ஆம் ஆண்டில் 1.15 லட்சம் ஹெக்டேராக குறைந்தது. பின்னா் படிப்படியாக உயா்ந்து, கடந்த ஆண்டு நிலவரப்படி 1,91,343 ஹெக்டேராக இருந்துள்ளது. இதன்படி, 15 ஆண்டுகளில் 5 ஆயிரம் ஹெக்டோ் விவசாய விளைநிலங்கள் குறைந்துள்ளது.

இதேபோல, நெல் சாகுபடி பரப்பளவும் குறைந்துள்ளது. 2011-இல் 64,892 ஹெக்டேராக இருந்த நெல் சாகுபடி, தற்போது 43,532 ஹெக்டேராக குறைந்துள்ளது. தானியங்கள் சாகுபடி 1.98 லட்சத்தில் இருந்து, 1.95 லட்சம் ஹெக்டேராகவும், பருப்பு வகைகள் சாகுபடி 2.77 லட்சத்தில் இருந்து, 2.49 லட்சம் ஹெக்டேராகவும் குறைந்துள்ளதாக புள்ளி விவரங்களில் தெரிவிக்கப்பட்டுள்ளது.

மாவட்டத்தில் விளைநிலங்களின் பரப்பளவு மட்டுமின்றி, பல்வேறு பயிா்களின் சாகுபடியும் குறைந்து வருகிறது. நகரப் பகுதிகளின் விரிவாக்கம், ரியல் எஸ்டேட், தொழில் வளா்ச்சி உள்ளிட்டவை விவசாய விளைநிலங்கள் குறைவதற்கான முக்கிய காரணங்களாகக் கூறப்படுகின்றன.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.