குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

தவறான சிகிச்சையால் இளைஞரின் கால் அகற்றப்பட்ட விவகாரம்: ரூ.35.68 லட்சம் இழப்பீடு வழங்க நுகா்வோா் நீதிமன்றம் உத்தரவு

உடுமலையில் தவறான மருத்துவ சிகிச்சையால் 24 வயது இளைஞரின் இடது கால் அகற்றப்பட்ட வழக்கில், தனியாா் மருத்துவமனை நிா்வாகம் ரூ.35.68 லட்சம் இழப்பீடு வழங்க வேண்டும் என திருப்பூா் மாவட்ட நுகா்வோா் நீதிமன்றம் உத்தரவிட்டுள்ளது.

உத்தரவு - கோப்புப் படம்

Updated On :

உடுமலையில் தவறான மருத்துவ சிகிச்சையால் 24 வயது இளைஞரின் இடது கால் அகற்றப்பட்ட வழக்கில், தனியாா் மருத்துவமனை நிா்வாகம் ரூ.35.68 லட்சம் இழப்பீடு வழங்க வேண்டும் என திருப்பூா் மாவட்ட நுகா்வோா் நீதிமன்றம் உத்தரவிட்டுள்ளது.

திருப்பூா் மாவட்டம், மருள்பட்டியைச் சோ்ந்தவா் தினேஷ்குமாா் (24). கூலித் தொழிலாளியான இவா், கடந்த 2023 நவம்பா் மாதம் இருசக்கர வாகனத்தில் சென்றபோது விபத்தில் சிக்கி இடது காலில் பலத்த காயமடைந்தாா். முதலில் உடுமலை அரசு மருத்துவமனையில் அனுமதிக்கப்பட்ட அவா், பின்னா் உயா் சிகிச்சைக்காக உடுமலையில் உள்ள தனியாா் மருத்துவமனையில் அனுமதிக்கப்பட்டாா். அங்கு உரிய சிகிச்சை அளிக்கப்படாததால் அவரது காலின் நிலை மிகவும் மோசமடைந்தது.

இதையடுத்து, கோவையில் உள்ள தனியாா் மருத்துவமனையில் அனுமதிக்கப்பட்ட தினேஷ்குமாருக்கு, 2023 நவம்பா் 30-ஆம் தேதி இடது கால் முட்டிக்குக் கீழ் அகற்றப்பட்டது. இதனால் அவா் 85 சதவீத மாற்றுத் திறனாளியாக மாறினாா்.

இதைத் தொடா்ந்து, மருத்துவமனையின் கவனக்குறைவே தனது கால் அகற்றப்பட காரணம் எனக் கூறி, திருப்பூா் மாவட்ட நுகா்வோா் குறைதீா் ஆணையத்தில் தினேஷ்குமாா் வழக்கு தொடா்ந்தாா்.

இந்த வழக்கை விசாரித்த நுகா்வோா் நீதிமன்றம், பாதிக்கப்பட்ட இளைஞருக்கு உடுமலை தனியாா் மருத்துவமனை நிா்வாகம் 2 மாத காலத்துக்குள் ரூ.35,68,313 இழப்பீடாக வழங்க வேண்டும் எனத் தீா்ப்பளித்துள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.