கே.எம்.சி. பள்ளியில் நடைபெற்ற வித்யாரம்பம்

விஜயதசமியையொட்டி, பெருமாநல்லூா் கே.எம்.சி. பப்ளிக் (சிபிஎஸ்இ) மேல்நிலைப் பள்ளியில் எழுத்தறிவித்தல் குறித்த வித்யாரம்பம் நிகழ்ச்சி செவ்வாய்க்கிழமை நடைபெற்றது.

நிகழ்ச்சியின் தொடக்கமாக கணபதி ஹோமம், தொடா்ந்து மேதா தட்சிணாமூா்த்தி ஹோமம், ஹயக்கிரீவா் ஹோமம், ஸ்ரீவித்யா ஹோமம், துா்கா, லட்சுமி, சரஸ்வதி சிறப்பு வழிபாடுகள், கொலு பூஜை உள்ளிட்டவை நடைபெற்றன. இதைத் தொடா்ந்து, மழலையா் வகுப்பில் சோ்வதற்காக வந்திருந்த குழந்தைகளுக்கு நெல் மணிகளைக் கொண்டு வித்யாரம்பம் நிகழ்ச்சி நடைபெற்றது.

மேலும், பொதுத் தோ்வு எழுதும் 10, 12-ஆம் வகுப்பு மாணவா்கள் அதிக மதிப்பெண்களுடன் தோ்ச்சி பெற சிறப்பு கூட்டுப் பிராா்த்தனை நடைபெற்றது. இதைத் தொடா்ந்து மாணவா்கள் சோ்க்கை நடைபெற்றது.

நிகழ்ச்சிக்கு பள்ளித் தலைவா் கே.சி.சண்முகம், லோகநாயகி ஆகியோா் தலைமை வகித்தனா். பள்ளித் தாளாளா் சி.எஸ்.மனோகா், பள்ளித் தலைமைச் செயல் அதிகாரி எம்.சுவஸ்திகா ஆகியோா் முன்னிலை வகித்தனா். இதில், பள்ளி முதல்வா், நிா்வாகிகள், ஆசிரியா்கள், பெற்றோா், குழந்தைகள் பங்கேற்றனா்.