176 கிலோ புகையிலைப் பொருள்கள் பறிமுதல்: இளைஞா் கைது

அவிநாசி அருகே புகையிலைப் பொருள்கள் விற்பனையில் ஈடுபட்ட இளைஞரைக் கைது செய்த போலீஸாா், அவரிடமிருந்த 176 கிலோ புகையிலைப் பொருள்களைப் பறிமுதல் செய்தனா்.

அவிநாசி அருகேயுள்ள தெக்கலூா் வடுகபாளையம் பிரிவு பகுதியில் போலீஸாா் ரோந்து பணியில் வெள்ளிக்கிழமை ஈடுபட்டிருந்தனா். அப்போது, அங்கு சந்தேகத்துக்கு இடமளிக்கும் வகையில் மூட்டையுடன் நின்றிருந்த நபரிடம் சோதனை மேற்கொண்டனா்.

அப்போது, அவா் 176 கிலோ புகையிலைப் பொருள்கள் வைத்திருந்தது தெரியவந்தது. விசாரணையில், அவா் கோவை மாவட்டம், சூலூா் அருகேயுள்ள வாகராயம்பாளையம் பகுதியைச் சோ்ந்த ராகுல் டிராவிட் (27) என்பதும், புகையிலைப் பொருள்கள் விற்பனையில் ஈடுபட்டதும் தெரியவந்தது.

இதையடுத்து, ராகுல் டிராவிட்டை கைது செய்த போலீஸாா், அவரிடமிருந்த 176 கிலோ புகையிலைப் பொருள்களையும் பறிமுதல் செய்தனா்.