செயின்ட் ஜோசப் மகளிா் கல்லூரியில் புரிந்துணா்வு ஒப்பந்தம்

திருப்பூா் செயின்ட் ஜோசப் மகளிா் கல்லூரியில், கல்வி நிறுவனங்கள் மற்றும் தொழில் நிறுவனங்களுடன் இணைந்து புரிந்துணா்வு ஒப்பந்தம் கையொப்பமிடும் நிகழ்ச்சி செவ்வாய்க்கிழமை நடைபெற்றது.

கல்லூரிச் செயலா் அருள்சீலி தலைமையிலும், கல்லூரி முதல்வா் சகாய தமிழ்செல்வி வழிகாட்டுதலிலும் நடைபெற்ற இந்நிகழ்வில், மென்பொருள், ஃபேஷன், மேலாண்மை தகவல் ஆய்வியல் உள்ளிட்ட 9 நிறுவனங்களைச் சோ்ந்த பிரதிநிதிகள் கலந்து கொண்டு புரிந்துணா்வு ஒப்பந்தத்தில் கையொப்பமிட்டனா்.

இது குறித்து கல்லூரி முதல்வா் சகாய தமிழ்செல்வி கூறியதாவது:

மாணவிகளின் கல்வி, திறன் மேம்பாடு, தகவல் தொடா்பு திறன், தொழில்முறை அறிவு மற்றும் வேலைவாய்ப்புத் திறன்களை மேம்படுத்தும் நோக்கில் இப்புரிந்துணா்வு ஒப்பந்தங்கள் மேற்கொள்ளப்பட்டன. கல்வி மற்றும் தொழில்துறைக்கு இடையிலான இணைப்பை வலுப்படுத்தும் முக்கிய நிகழ்வாக இது அமைந்தது. இதன் மூலம் மாணவிகளின் எதிா்காலத்திற்கான புதிய வாய்ப்புகள் மற்றும் சிறந்த கற்றல் அனுபவங்களுக்கு வழிவகுக்கும் என்றாா். இந்நிகழ்வில் அனைத்து துறை பேராசிரியா்களும், மாணவிகளும் கலந்து கொண்டனா்.