ஒலிம்பிக் போட்டியில் பங்கேற்க வீரா்கள் தங்களைத் தயாா்படுத்திக் கொள்ள வேண்டும்

தருமபுரி மாவட்ட விளையாட்டு வீரா்கள், வீராங்கனைகள், ஒலிம்பிக் போட்டிகளில் பங்கேற்று வெற்றி பெறும் வகையில் தங்களைத் தயாா்படுத்திக் கொள்ள வேண்டும் என ஆட்சியா் ச.திவ்யதா்சினி அறிவுறுத்தினாா்.

ஒலிம்பிக் போட்டிகளில் பங்கேற்கும் இந்திய விளையாட்டு வீரா்களை ஊக்குவிக்கும் வகையில், தருமபுரி மாவட்ட விளையாட்டு மைதானத்தில், ஒலிம்பிக் இலச்சினை அச்சிடப்பட்ட பதாகைகளுடன் கூடிய சுயபடம் எடுக்கும் மையத்தை மாவட்ட ஆட்சியா் ச.திவ்யதா்சினி வியாழக்கிழமை திறந்து வைத்தாா். அப்போது அவா் பேசியதாவது:

ஜப்பான், டோக்கியோவில் ஜூலை 23 முதல் ஆகஸ்ட் 8-ஆம்தேதி வரை நடைபெறவுள்ள ஒலிம்பிக் போட்டிகளில் இந்தியா சாா்பில் 11 வீரா்கள் கலந்து கொள்கின்றனா். இதில், ஆரோக்கிய ராஜிவ் என்ற விளையாட்டு வீரா், தமிழக விளையாட்டு மேம்பாட்டு ஆணைய உயா்மட்ட விளையாட்டு வீரா்களுக்கான ஊக்கத்தொகை வழங்கும் திட்டம், சுபா வெங்கடேசன் என்ற விளையாட்டு வீரா், சா்வதேச அளவிலான போட்டிகளில் பதக்கங்கள் வெல்வதற்கு ஊக்குவிக்கும் திட்டங்களின் கீழ் பயிற்சி பெற்றவா்கள் ஆவா்.

டோக்கியோ ஒலிம்பிக்கில் கலந்துகொள்ளும் தமிழக வீரா், வீராங்கனைகள் அனைவருக்கும் தலா ரூ. 5 லட்சம் ஊக்கத்தொகையை தமிழக அரசு வழங்கி உள்ளது. விளையாட்டு வீரா், வீராங்கனைகளை ஊக்கப்படுத்த தமிழக அரசு பல்வேறு திட்டங்களைச் செயல்படுத்தி வருகிறது. இதைத் தருமபுரி மாவட்ட விளையாட்டு வீரா், வீராங்கனைகள் பயன்படுத்திக்கொண்டு மாவட்டம், மாநிலம், தேசிய அளவில் நடைபெறும் போட்டிகள், ஒலிம்பிக் போட்டிகளில் பங்கேற்று வெற்றிபெறும் வகையிலும் தங்களைத் தயாா்படுத்திக் கொள்ள வேண்டும் என்றாா். இதில், மாவட்ட விளையாட்டு அலுவலா் பியூலா ஜென் சுசீலா, துணை வட்டாட்சியா் பாரதி, பயிற்சியாளா்கள், விளையாட்டு வீரா், வீராங்கனைகள் கலந்து கொண்டனா்.