கிருஷ்ணகிரி மாவட்டத்தில் ஜூலை 30, 31-இல் குழந்தை காப்பகங்களை ஆய்வு

தமிழ்நாடு மாநில குழந்தை உரிமைகள் பாதுகாப்பு ஆணைய உறுப்பினா் வீ.ராமராஜ் இன்றும் (வெள்ளிக்கிழமை), நாளையும் (சனிக்கிழமை) கிருஷ்ணகிரி மாவட்டத்தில் குழந்தை காப்பகங்களை ஆய்வு செய்ய உள்ளாா்.

இது குறித்து அவா், வியாழக்கிழமை வெளியிட்ட செய்திக் குறிப்பு: கரோனா பெருந்தொற்று காலத்தில் தமிழகம் முழுவதும் உள்ள பதிவுபெற்ற குழந்தை பாதுகாப்பு இல்லங்களை ஆய்வு செய்து அங்கு உள்ள குழந்தைகளின் நிலைமைகளை கண்காணித்து வருகிறோம். கிருஷ்ணகிரி மாவட்டத்தில் தமிழ்நாடு குழந்தை உரிமைகள் பாதுகாப்பு ஆணையம் ஆய்வு குழந்தைகளுக்கான தத்து வள மையம் உள்பட 25 குழந்தை பாதுகாப்பு இல்லங்கள் தமிழக அரசின் உரிமம் பெற்று செயல்பட்டு வருகின்றன.

கரோனா காரணமாக பல இல்லங்களில் இருந்த குழந்தைகள் அவா்களது பாதுகாவலா்களின் வீட்டுக்கு அனுப்பிவைக்கப்பட்டனா். பாதுகாவலா்களோ அல்லது வசதியோ இல்லாத குழந்தைகள் தற்போது 13 குழந்தை பாதுகாப்பு இல்லங்களில் பராமரிக்கப்பட்டு வருகிறாா்கள்.

கிருஷ்ணகிரி மாவட்டத்தில் குழந்தை பாதுகாப்பு இல்லங்களில் தற்போது இருந்து வரும் அனைத்து குழந்தைகளையும் நேரடியாக சந்தித்து அவா்களின் உடல் நிலையை அறியவும் குழந்தை பாதுகாப்பு மையங்களில் கரானா பெருந்தொற்றை தடுக்க எடுக்கப்பட்டு வரும் முன்னெச்சரிக்கை நடவடிக்கைகளை அறியவும் தமிழ்நாடு குழந்தை உரிமைகள் பாதுகாப்பு ஆணையத்தின் சாா்பில் கிருஷ்ணகிரி மாவட்டத்தில் ஒசூா், தேன்கனிக்கோட்டை வட்டங்களில் ஜூலை 30-ஆம் தேதியும், கிருஷ்ணகிரி பா்கூா் வட்டங்களில் ஜூலை 31-ஆம் தேதியும் ஆய்வு நடத்தப்படுகிறது.

சட்டப்படி உரிமம் பெறாமல் எந்த ஒரு தனிநபரும் அல்லது எந்த ஒரு அமைப்பும் எத்தகைய குழந்தை பாதுகாப்பு இல்லங்களையும் நடத்தக்கூடாது என எச்சரிக்கப்படுகிறது. அவ்வாறு நடத்தப்படுவது கண்டறியப்பட்டால் சட்டப்படி தக்க நடவடிக்கை எடுக்கப்படும் என அதில் அவா் தெரிவித்துள்ளாா்.