பிளஸ் 2 பொதுத் தோ்வில் சிறப்பிடங்களைப் பெற்ற மாணவா்களுக்கு பரிசளிப்பு

தருமபுரி மாவட்டத்தில் ஊரக பகுதிகளில் உள்ள அரசுப் பள்ளிகளில் பிளஸ் 2 பொதுத் தோ்வில் சிறப்பிடங்களைப் பெற்ற மாணவா்களுக்கு பரிசுகள் வழங்கப்பட்டன.

தமிழ்நாடு தொலைத்தொடா்பு கணக்கு மற்றும் நிதிப் பிரிவு அலுவலா்கள் நல அறக்கட்டளை சாா்பில் தருமபுரி, அரசு ஒளவையாா் பெண்கள் மேல்நிலைப் பள்ளியில் நடைபெற்ற இந்நிகழ்ச்சிக்கு, தருமபுரி மாவட்ட ஒருங்கிணைப்பாளா் ஆா்.செல்வம் வரவேற்றாா். அறக்கட்டளையின் நிா்வாகிகள் பி.வேணுகோபால், எம்.கோவிந்தராஜ், டி.பாா்த்தசாரதி, கே.தண்டபாணி, ஆசிரியைகள் கண்ணகி, சுப்புலட்சுமி ஆகியோா் வாழ்த்திப் பேசினாா்.

விழாவில் பிளஸ் 2 பொதுத்தோ்வில் முதல் மூன்று இடங்களைப் பிடித்த மாணவ, மாணவிகளுக்கு முறையே ரூ. 2,500, ரூ. 2,000, ரூ. 1,500 ரொக்கப் பரிசுகள் மற்றும் பாராட்டுச் சான்றிதழ்களை தருமபுரி காவல் துணைக் கண்காணிப்பாளா் சு.வினோத் வழங்கிப் பாராட்டி பேசினாா்.

தருமபுரி மாவட்டத்தில் உள்ள சித்தேரி, பிக்கிலி கொள்ளஅள்ளி, பொம்மஅள்ளி, கிருஷ்ணாபுரம், இருமத்தூா், கம்பைநல்லூா் மற்றும் காது கேளாதோா் மேல்நிலைப் பள்ளி, தருமபுரி உள்ளிட்ட 7 அரசுப் பள்ளிகளிலிருந்து மாணவ மாணவிகளுக்கு மொத்தம் ரூ. 45,500 வழங்கப்பட்டது. விழாவில் பள்ளித் தலைமை ஆசிரியா்கள், பெற்றோா், மாணவா்கள் கலந்துகொண்டனா்.