பென்னாகரத்தில் புதிய 2 நகர பேருந்துகள் இயக்கம்

பென்னாகரத்தில் புதிய 2 நகர பேருந்துகள் இயக்க தொடக்க நிகழ்வு சனிக்கிழமை நடைபெற்றது.

பென்னாகரம் போக்குவரத்து கிளை பணிமனையில் இருந்த 26ஏ, 18பி எண் கொண்ட நகர பேருந்துகளின் ஆயுள்காலம் முடிவடைந்தது. இந்த பேருந்துகளுக்கு மாற்றாக புதிய பேருந்து வழங்கக் கோரி கோரிக்கை விடப்பட்டு வந்தது.

இந்த நிலையில், புதிய நகர பேருந்துகளின் இயக்க நிகழ்வு பென்னாகரம் பேருந்து நிலையத்தில் போக்குவரத்து கிளை மேலாளா் சுதாகா் தலைமையில் நடைபெற்றது. புதிதாக இயக்கப்படும் நகர பேருந்து 26ஏ பென்னாகரம் முதல் தருமபுரி வரையிலும், 18பி பென்னாகரம், தருமபுரி, பாலக்கோடு உள்ளிட்ட பகுதிகளுக்கு ஏற்கெனவே சென்ற வழித்தடத்தில் இயக்கப்படும் என அதிகாரிகள் தெரிவித்தனா்.