கணவா் இறந்த துக்கத்தில் இளம்பெண் தற்கொலை

தருமபுரியில் சாலை விபத்தில் கணவா் இறந்த துக்கத்தில் இளம்பெண் விஷம் குடித்து தற்கொலை செய்து கொண்டாா்.

தருமபுரி மாவட்டம், பாப்பாரப்பட்டி அருகேயுள்ள பெரியூா் பகுதியைச் சோ்ந்தவா் தீபா ( 22). இவருக்கு கடந்தாண்டு லட்சுமணன் என்பவருடன் திருமணம் நடைபெற்றது. லட்சுமணன் அண்மையில் நேரிட்ட சாலை விபத்தில் உயிரிழந்தாா். இதனால் விரக்தி அடைந்த தீபா வீட்டில் விஷம் குடித்தாா். குடும்பத்தினா் அவரை மீட்டு தருமபுரி அரசு மருத்துவமனையில் சோ்த்தனா். அங்கு தீபா திங்கள்கிழமை உயிரிழந்தாா். இதுதொடா்பாக பாப்பாரப்பட்டி போலீஸாா் வழக்குப் பதிந்து விசாரணை நடத்தி வருகின்றனா்.