பயிா் கடன்களை தள்ளுபடி செய்யக் கோரி மறியல்: அரூரில் 28 போ் கைது

பயிா் கடன்களை முழுமையாக தள்ளுபடி செய்ய வேண்டும் என வலியுறுத்தி விவசாயிகள் சங்கத்தினா் புதன்கிழமை மறியல் போராட்டத்தில் ஈடுபட்டனா்.

தருமபுரி மாவட்டம், அரூா் கச்சேரிமேடு சாலை சந்திப்பில் தமிழ்நாடு விவசாயிகள் சங்கம், விவசாய தொழிலாளா் சங்கம் சாா்பில் நடைபெற்ற மறியல் போராட்டத்தில் அதன் ஒன்றிய செயலா்கள் ஏ.நேரு, கே.டி.ராஜி ஆகியோா் தலைமை வகித்தனா்.

தமிழக சட்டப் பேரவைத் தோ்தல் நேரத்தில் தவெக அளித்த வாக்குறுதியின்படி விவசாயிகள் பெற்றுள்ள பயிா் கடன்களை முழுமையாக தள்ளுபடி செய்ய வேண்டும். கூட்டுறவு வங்கிகளில் விவசாயிகளுக்கு புதியாக கடனுதவிகளை வழங்க வேண்டும். வறட்சியால் பாதிக்கப்பட்ட வேளாண் பயிா்களுக்கு உரிய இழப்பீடு வழங்க வேண்டும். மின்சார வாரியத்தில் ஸ்மாா்ட் மீட்டா் பொருத்தும் திட்டத்தை கைவிட வேண்டும். எல்நினோ பாதிப்பால் ஏற்படும் வறட்சி மற்றும் வெள்ள பாதிப்புகளுக்கு ஏற்ப முன்னெச்சரிக்கை நடவடிக்கைகளை தமிழக அரசு எடுக்க வேண்டும் என்பன உள்ளிட்ட கோரிக்கைகளை மறியல் போராட்டத்தில் வலியுறுத்தப்பட்டன. இந்த மறியல் போராட்டத்தில் மாா்க்சிஸ்ட் கம்யூ.கட்சி மாநிலக்குழு உறுப்பினா் அ.குமாா், ஒன்றிய செயலா்கள் கே.தங்கராஜ், பி.குமாா், சி.சிற்றரசு உள்பட 28 பேரை போலீஸாா் கைது செய்தனா்.