சோரியம்பட்டி அரசுப் பள்ளியில் கணினி உபகரணங்கள் திருட்டு

அரூா் அருகே அரசுப் பள்ளியின் கணினி ஆய்வகத்தில் உபகரணங்கள் திருடப்பட்ட சம்பவம் தொடா்பாக போலீஸாா் வழக்குப் பதிவு செய்து விசாரணை நடத்தி வருகின்றனா்.

தருமபுரி மாவட்டம், அரூா் வட்டம், சோரியம்பட்டியில் அரசு நடுநிலைப் பள்ளியில் 100-க்கும் மேற்பட்ட மாணவ, மாணவிகள் படித்து வருகின்றனா். மாணவா்களுக்குக் கணினி அறிவியல் கற்பிப்பதற்காக, கடந்த இரண்டு ஆண்டுகளுக்கு முன்பு உயா் தொழில்நுட்ப ஆய்வகம் அமைக்கப்பட்டு, அரசின் சாா்பில் கணினிகள் வழங்கப்பட்டன.

வெள்ளிக்கிழமை பள்ளி முடிந்ததும் வகுப்பறைகளைப் பூட்டிவிட்டு ஆசிரியா்கள் சென்றுள்ளனா். சனிக்கிழமை விடுமுறை என்பதால் காலை 11 மணிக்குப் பிறகு பள்ளி வளாகத்தில் விளையாடச் சென்ற மாணவா்கள், கணினி ஆய்வகத்தின் பூட்டு உடைக்கப்பட்டிருப்பதை கண்டனா். மேலும், அங்கிருந்த கணினி உபகரணங்கள் திருடப்பட்டிருந்ததும் தெரியவந்தது.

இதுகுறித்து தலைமை ஆசிரியா் ராதாமணி அளித்த புகாரின்பேரில், அரூா் போலீஸாா் வழக்குப் பதிவு செய்து விசாரணை நடத்தி வருகின்றனா்.