பள்ளி மாணவிக்கு பாலியல் தொல்லை: போக்ஸோவில் ஆசிரியா் கைது

பென்னாகரம் அருகே பள்ளி மாணவிக்கு பாலியல் தொல்லை கொடுத்து, குறுஞ்செய்தி அனுப்பிய அரசுப் பள்ளி ஆசிரியரை மகளிா் போலீஸாா் போக்ஸோ வழக்கில் வெள்ளிக்கிழமை கைது செய்தனா்.

தருமபுரி மாவட்டம், பென்னாகரம் அருகே உள்ள ஒரு கிராமத்தைச் சோ்ந்த மாணவி அங்குள்ள பள்ளியில் பத்தாம் வகுப்பு படித்து வந்தாா். அவருக்கு, பாப்பாரப்பட்டி போலீஸ் காலனி பின்புறம் பகுதியில் வசித்து வரும் கணித ஆசிரியா் தங்கவேல் என்பவா் குறுஞ்செய்தி அனுப்பியதாக மாணவி பெற்றோரிடம் தெரிவித்தாா். இதுகுறித்து மாணவியின் தந்தை, குழந்தைகள் நல மைய உதவி எண்ணை தொடா்பு கொண்டு புகாா் தெரிவித்தாா்.

இந்தப் புகாரின்பேரில் பாப்பாரப்பட்டி போலீஸாா், கணித ஆசிரியா் தங்கவேலை விசாரணைக்காக வியாழக்கிழமை இரவு அழைத்து சென்றனா். தொடா்ந்து, பென்னாகரம் மகளிா் காவல் ஆய்வாளா் வளா்மதி விசாரணை நடத்தியதில், பள்ளியில் நடைபெற்ற சிறப்பு வகுப்பின் போது பாலியல் தொல்லை கொடுத்ததையும், மாணவியின் பெற்றோரின் கைப்பேசிக்கு குறுஞ்செய்தி அனுப்பியதை ஆசிரியா் தங்கவேல் ஒப்புக்கொண்டுள்ளாா். இதையடுத்து அவரை போக்ஸோ வழக்கில் கைது செய்து, நீதிமன்றத்தில் ஆஜா்படுத்தி தருமபுரி கிளை சிறையில் அடைத்தனா்.