ராகவேந்திரா ஆராதனை மஹோத்ஸவம்

கிருஷ்ணகிரியில் உள்ள அருள்மிகு ராகவேந்திரா கோயிலில் 347-ஆவது ஆண்டு ஆராதனை மஹோத்ஸவம் நடைபெற்றது.
கிருஷ்ணகிரி புதுப்பேட்டை செந்தில் நகரில் உள்ள அருள்மிகு ராகவேந்திரா கோயிலில் 347-ஆவது ஆண்டு ஆராதனை மஹோத்ஸவ விழா ஆகஸ்ட் 27-ஆம் தேதி தொடங்கியது. இதையொட்டி சுப்ரபாதம், நிர்மாலய அபிஷேகம், வேதபாராயணம், பஞ்சாமிருத அபிஷேகம் உள்ளிட்ட நிகழ்ச்சிகள் நடைபெற்றன.
விழாவையொட்டி ஆகஸ்ட் 29-ஆம் தேதி காலை மகா மங்களார்த்தி, அலங்கார பக்தி, தீர்த்தப் பிரசாதம், தீபாராதனை, மங்கள ஆர்த்தி உள்ளிட்ட நிகழ்ச்சிகள் நடைபெற்றன. இதில் கிருஷ்ணகிரி மற்றும் அதைச் சுற்றியுள்ள பகுதிகளைச் சேர்ந்த ஏராளமான பக்தர்கள் பங்கேற்றனர். ஆராதனை மஹோத்ஸவ விழாவையொட்டி சுவாமி, சிறப்பு அலங்காரத்தில் பக்தர்களுக்கு அருள் பாலித்தார்.