ஆஸ்கர் விருது விழா கோலாகலம்! தென் தமிழகத்தில் இன்று மழைக்கு வாய்ப்புவெனிசுலா: 7 ஆண்டுகளுக்குப் பின் அமெரிக்க தூதரகம் மீண்டும் திறப்புயாருடன் கூட்டணி? : இன்று அறிவிக்கிறார் ராமதாஸ்11 மாநிலங்களவை இடங்களுக்கு இன்று தோ்தல்குழாய் எரிவாயு இணைப்பு பெற்றவர்களுக்கு சிலிண்டர் கிடையாது: மத்திய அரசு
/

வீடுகளில் பணியாற்றும் தொழிலாளா்கள் நலவாரியங்களில் உறுப்பினராக சேர விண்ணப்பிக்க அழைப்பு

வீடுகளில் வேலை செய்யும் தொழிலாளா்கள் நல வாரியங்களில் உறுப்பினராகச் சேர இணையதளம் மூலம் விண்ணப்பிக்கலாம் என கிருஷ்ணகிரி தொழிலாளா் உதவி ஆணையா் (சமூக பாதுகாப்பு திட்டம்) திருநந்தன் தெரிவித்துள்ளாா்.

News image
Updated On :11 அக்டோபர் 2020, 11:50 pm

DIN

வீடுகளில் வேலை செய்யும் தொழிலாளா்கள் நல வாரியங்களில் உறுப்பினராகச் சேர இணையதளம் மூலம் விண்ணப்பிக்கலாம் என கிருஷ்ணகிரி தொழிலாளா் உதவி ஆணையா் (சமூக பாதுகாப்பு திட்டம்) திருநந்தன் தெரிவித்துள்ளாா்.

இதுகுறித்து, அவா், ஞாயிற்றுக்கிழமை வெளியிட்ட செய்திக் குறிப்பு:

தமிழகத்தில் கட்டுமானம், உடலுழைப்பு மற்றும் ஓட்டுநா்கள் உள்பட 14 நல வாரியங்கள் செயல்பட்டு வருகிறது. நல வாரியங்களில் உறுப்பினா்களாக உள்ள தொழிலாளா்களுக்கு கல்வி, திருமணம், மகப்பேறு, ஓய்வூதியம், இயற்கை மரணம், விபத்து, ஊனம், விபத்து மரணம் உதவித் தொகை உள்ளிட்ட பல்வேறு நலத்திட்டங்கள் தகுதி அடிப்படையின்கீழ் வழங்கப்பட்டு வருகின்றன.

நல வாரியங்களில் புதிதாகப் பதிவு செய்யவும், ஏற்கெனவே நலவாரிய உறுப்பினா்களாகப் பதிவு செய்து இருப்பவா்கள் தங்கள் பதிவை புதுப்பித்துக் கொள்ளவும்  இணையத்தளம் மூலம் சேவை வழங்கப்பட்டு வருகிறது.

இந்நிலையில் வீடுகளில் வேலை செய்யும் தொழிலாளா்கள் அனைவரையும் அமைப்புச்சாரா தொழிலாளா் சமூக பாதுகாப்புச் சட்டம் 2008-இன்படி, நல வாரியத்தில் உறுப்பினராகப் பதிவு செய்து, அனைத்து நலத்திட்டங்களையும் வழங்க உச்சநீதிமன்றம் உத்தரவிட்டுள்ளது.

எனவே, கிருஷ்ணகிரி மாவட்டத்தைச் சோ்ந்த வீட்டு வேலை செய்யும் தொழிலாளா்கள் அனைவரும் மேற்கண்ட இணையதளத்தில் தெரிவிக்கப்பட்டுள்ள வழிமுறைகளைப் பின்பற்றி, நல வாரியத்தில் உறுப்பினா்களாக தங்களை கட்டாயம் பதிவு செய்து கொள்ள வேண்டும்.

நலவாரியப் பதிவுக்கான விண்ணப்பங்களை இணையதளத்தின் மூலம் சமா்ப்பித்தப் பிறகு, தகுதி வாய்ந்த தொழிலாளா்களின் பதிவு விவரம் குறித்து அவா்களின் செல்லிடப்பேசி எண்ணுக்கு குறுஞ்செய்தியாக அனுப்பி வைக்கப்படும் என்று அதில் அவா் தெரிவித்துள்ளாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.