குடிமைப்பணி தோ்வு: சிறப்புப் பேருந்துகள் இயக்கம்

கிருஷ்ணகிரி மாவட்டத்தில் இருந்து சிறப்புப் பேருந்துகள் இயக்கப்பட உள்ளன என்று மாவட்ட ஆட்சியா் வி.ஜெயச்சந்திரபானு ரெட்டி தெரிவித்துள்ளாா்.

இதுகுறித்து, அவா் ஞாயிற்றுக்கிழமை வெளியிட்ட செய்திக்குறிப்பு:

மத்திய அரசுப் பணியாளா் தோ்வாணையத்தால் ஆண்டுதோறும் குடிமைப்பணி தோ்வுகள் நடத்தப்பட்டு வருகின்றன. அதன்படி 2020-ஆம் ஆண்டிற்கான குடிமைப்பணி தோ்வில் பூா்வாங்க தோ்வுகள் 4.10.2020 (ஞாயிற்றுக்கிழமை) நாடு முழுவதும் நடைபெற உள்ளன.

இந்தத் தோ்வு, தமிழ்நாட்டில் சென்னை, கோவை, மதுரை, திருச்சி, வேலூா் ஆகிய 5 மாவட்டங்களில் நடைபெறுகிறது. இதை முன்னிட்டு தோ்வு எழுதுபவா்கள் தோ்வு கூடத்துக்கு முன்பே சென்று கலந்து கொள்ளும் வகையில் 3.10.2020 (சனிக்கிழமை) மற்றும் 4.10.2020 (ஞாயிற்றுக்கிழமை) ஆகிய 2 நாள்களும் முழுமையாக சிறப்புப் பேருந்து வசதிகள் ஏற்படுத்தப்பட்டுள்ளன.

எனவே, கிருஷ்ணகிரி மாவட்டத்தில் இருந்து குடிமைப்பணி தோ்வெழுத விண்ணப்பித்துள்ள தோ்வா்கள் இந்த வாய்ப்பை பயன்படுத்திக் கொள்ளுமாறு அவா் கேட்டுக் கொண்டுள்ளாா்.