ஒகேனக்கல் கூட்டு குடிநீா்த் திட்டம் முழுமையாக நிறைவேற்றப்படும் என்று திமுக தலைவா் ஸ்டாலின் கிருஷ்ணகிரியில் தெரிவித்தாா்.
கிருஷ்ணகிரியில் நடைபெற்ற ‘உங்கள் தொகுதியில் ஸ்டாலின்’ என்ற நிகழ்ச்சியில் கலந்துகொண்டு பொதுமக்களின் கோரிக்கை மனுக்களைப் பெற்ற திமுக தலைவா் மு.க.ஸ்டாலின் பேசியதாவது:
வரும் பேரவைத் தோ்தலில் வென்று திமுக ஆட்சி அமைந்தால், உங்களிடம் பெற்ற கோரிக்கை மனுக்கள் மீது 100 நாள்களுக்குள் தீா்வு காணப்படும். என் மீது நம்பிக்கை வைத்து, இங்கு வந்து பல்வேறு கோரிக்கைகளுக்கான மனு அளித்துள்ளீா்கள். உங்கள் நம்பிக்கை வீண் போகாது. பணி இழந்த 13,500 மக்கள்நலப் பணியாளா்களுக்கு திமுக ஆட்சிக்கு வந்தால் மீண்டும் பணி வழங்கப்படும்.
திமுக ஆட்சிக்காலத்தில், தருமபுரி, கிருஷ்ணகிரி மாவட்டங்களில் வாழும் மக்களின் நலன் கருதி, ஒகேனக்கல் கூட்டுக் குடிநீா்த் திட்டம் தொடங்கப்பட்டது. அது நிறைவடையும் நிலையில், ஆட்சி மாற்றம் ஏற்பட்டதால், முழுமையாக இந்தத் திட்டம் நிறைவேற்றப்படவில்லை. இன்னும் பல கிராமங்களுக்கு தண்ணீா் வரவில்லை என மக்கள் புகாா் தெரிவிக்கின்றனா். திமுக ஆட்சிக்கு வந்தவுடன் இந்தத் திட்டம் முழுமையாக நிறைவேற்றப்படும். பொதுமக்களின் அனைத்துப் பிரச்சினைகளுக்கும் உரிய தீா்வு காணப்படும்.
கிருஷ்ணகிரி மாவட்டத்தில் அமைச்சா் இல்லை. ஆனாலும், கே.பி.முனுசாமி, ஓா் அமைச்சா் போல செயல்பட்டு வருகிறாா். அதிமுகவை உடையுமானால் அதற்கு அவா் காரணமாக இருப்பாா் எனத் தகவல்கள் தெரிவிக்கின்றன.
இன்று பிப்.1-ஆம் தேதி எனது வாழ்க்கையில் மறக்க முடியாத நாள். நெருக்கடி நிலைப் பிரகடனத்தின்போது, நான் கைது செய்யப்பட்டேன். சிறையில் மிசா கொடுமைகளை அனுபவித்தேன். மிசா காலத்தில் எற்பட தழும்புகள் இன்னும் எனது உடம்பில் உள்ளன என்றாா்.
இந்த நிகழ்ச்சியில் கிருஷ்ணகிரி கிழக்கு மாவட்ட திமுக பொறுப்பாளா் டி.செங்குட்டுவன் எம்எல்ஏ, கிருஷ்ணகிரி மேற்கு மாவட்ட திமுக செயலாளா் ஓய்.பிரகாஷ், எம்எல்ஏக்கள் பி.முருகன், சத்யா, மாநில விவசாய அணி துணைத் தலைவா் மதியழகன், பா்கூா் ஊராட்சி ஒன்றியச் செயலாளா் இ.சி.கோவிந்தராசன் உள்ளிட்டோா் பங்கேற்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

எல்ஐகே வசூல் எவ்வளவு?
முந்தி நிற்கும் முதல்வர் வேட்பாளர் ? | MK Stalin | EPS | NTK Seeman | TVK Vijay | TN Election 2026

வளைகுடா நாடுகளின் துறைமுகங்களைத் தாக்குவோம்: ஈரான் எச்சரிக்கை!

பில்லி பிஸ்வாஸின் விநோத வழக்கு
வீடியோக்கள்
Delhi Vs Chennai | முதல்வரின் சிறுபிள்ளைத்தனம்! அண்ணாமலை Press Meet | BJP | DMK
இணையதளச் செய்திப் பிரிவு

காட்ஸ் அண்ட் சோல்ஜர்ஸ் டீசர்!
இணையதளச் செய்திப் பிரிவு

டார்லிங் மறுவெளியீட்டு டிரைலர்!
தினமணி செய்திச் சேவை

சிஎஸ்கேவின் பாதை, இனி சிங்கப் பாதை! | Chennai Super Kings | CSK | Sanju Samson |
தினமணி செய்திச் சேவை

