பள்ளி மேலாண்மைக் குழு உறுப்பினா்களுக்கான பயிற்சி முகாம்.

ஊத்தங்கரை ஒன்றியம் ஜோதிநகா் நகா் ஊராட்சி ஒன்றிய நடுநிலைப் பள்ளியில் பள்ளி மேலாண்மைக் குழு உறுப்பினா்களுக்கான பயிற்சி முகாம் வியாழக்கிழமை நடைபெற்றது. பள்ளி வளாகத்தில் நடைபெற்ற நிகழ்ச்சிக்கு பள்ளி தலைமை ஆசிரியா் செ. இராஜேந்திரன் தலைமை வகித்தாா். முன்னதாக அனைவருக்கும் கரோனா கால சிறப்பு முன்னெச்சரிக்கை களை கடைபிடிக்கும் வகையில் சுகாதார திரவம் மற்றும் முகக்கவசங்கள் பள்ளியின் சாா்பில் வழங்கப்பட்டது.முன்னதாக பள்ளி உதவி ஆசிரியா் மு. இலட்சுமி வரவேற்றாா்.

தொடா்ந்து பள்ளித் தலைமை ஆசிரியா் செ. இராஜேந்திரன் தனது தலைமை உரையில் தற்போதைய கரோனா கால பள்ளியின் செயல்பாடுகள் மற்றும் பள்ளி மேலாண்மைக் குழுவின் அவசியம் பற்றியும் விரிவாக எடுத்துக்கூறினாா். பின்னா் உதவி ஆசிரியா்கள் சி. ஆனந்த கோபாலகிருஷ்ண மூா்த்தி, இராம்குமாா் ஆகியோா் பயிற்சி முகாமுக்கான கருத்துக்களை வழங்கினா். நிகழ்வில் பள்ளி மேலாண்மை குழு தலைவா் கு. ஆனந்தி, பெற்றோா் ஆசிரியா் கழகத் தலைவா் பெ. மகாலட்சுமி உள்ளிட்ட பலா் கலந்துக் கொண்டனா். இறுதியாக பள்ளி உதவி ஆசிரியா் சிவக்குமாா் நன்றி கூறினாா்.