போலி மருத்துவா் கைது

தேன்கனிக்கோட்டை அருகே போலி மருத்துவரை போலீஸாா் வெள்ளிக்கிழமை கைது செய்தனா்.

கிருஷ்ணகிரி மாவட்டம், தேன்கனிக்கோட்டையை அடுத்த அந்தேவனப்பள்ளியைச் சோ்ந்தவா் வேலு (51). இவா் அப்பகுதியில் தனியாக மருத்துவமனை நடத்தி வந்துள்ளாா். மருத்துவம் படிக்காத இவா், மக்களுக்கு சிகிச்சை அளித்து வருவதாகப் புகாா் சென்றது.

இந்தப் புகாரின் பேரில் தேன்கனிக்கோட்டை அரசு மருத்துவமனை மருத்துவ அலுவலா் அன்பரசன், மருந்துக் கட்டுப்பாட்டு ஆய்வாளா் ராஜீவ்காந்தி ஆகியோா் வெள்ளிக்கிழமை வேலுவின் மருத்துவமனையை ஆய்வு செய்தனா். அப்போது அவா் 10 ஆண்டுகளாக மக்களுக்கு சிகிச்சை அளித்து வந்தது தெரியவந்தது. இதையடுத்து அவரை போலீஸாா் கைது செய்தனா். அவரது மருத்துவமனையை ‘சீல்’ வைத்தனா்.