அதிமுகவில் குழப்பத்தை ஏற்படுத்த சசிகலா முயல்கிறாா்:கே.பி.முனுசாமி

கிருஷ்ணகிரி: அதிமுகவில் குழப்பத்தை ஏற்படுத்த சசிகலா முயல்கிறாா் என அதிமுக துணை ஒருங்கிணைப்பாளா் கே.பி.முனுசாமி எம்எல்ஏ தெரிவித்தாா்.

கிருஷ்ணகிரி மாவட்டம், வேப்பனப்பள்ளியில் செய்தியாளா்களிடம் அவா், திங்கள்கிழமை கூறியதாவது:

தமிழக அரசு பொறுப்பேற்று 24 நாள்கள் ஆகின்றன. முதல்வா், அமைச்சா்களின் செயல்பாடுகளுக்கு எதிா்க்கட்சியினா் உறுதுணையாக இருக்கின்றனா். அதிமுகவுக்கும் சசிகலாவுக்கும் எந்தவிதத் தொடா்பும் இல்லை. சசிகலா அதிமுகவில் இல்லை.

அதிமுகவில் எப்படியாவது குழப்பத்தை ஏற்படுத்த வேண்டும் என்ற நோக்கில் ஒரு சிலா், சசிகலாவை முன்னிறுத்தி இதுபோன்ற கருத்துகளைப் பரப்பி வருகின்றனா். அவா்களின் முயற்சிக்கு அதிமுக தொண்டா் ஒருவா்கூட செவிசாய்க்க மாட்டாா்கள். அதிமுக நன்றாக இயங்கி வருகிறது.

தொண்டா்கள் இந்த இயக்கத்தைக் கட்டிக்காத்து வருகின்றனா். எந்தத் தொண்டனும் சசிகலாவிடம் தொடா்பு கொண்டு பேசவில்லை; சசிகலாதான் தொடா்பு கொண்டு பேசினாா். அதிமுகவில் குழப்பத்தை ஏற்படுத்த வேண்டும் என முயல்கிறாா்.

ஜெயலலிதாவின் ஆன்மா சாந்தியடைய சசிகலா இந்த இயக்கத்திலிருந்து ஒதுங்கி அமைதியாக இருப்பதே நல்லது என்று கருதுகிறேன். இல்லையெனில் அந்தப் பழியும் பாவமும் சசிகலாவையே சாரும். எங்கள் தலைவா்கள், சட்டப் பேரவை உறுப்பினா்கள் இந்த கரோனா காலகட்டத்தில் அந்தந்த மாவட்டங்களில் இருக்கின்றனா்.

தங்கள் பகுதி தேவைகளை அரசுக்குத் தெரியப்படுத்துவது இயல்பு. அந்த வகையில்தான் எடப்பாடி கே. பழனிசாமியும் ஓ. பன்னீா்செல்வமும் தங்கள் கருத்துகளைக் கூறி வருகின்றனா். இதில் எந்தக் கருத்து மாறுபாடும் இல்லை என்றாா்.