பொதுமக்களிடம் குறைகளை கேட்டறிந்த தளி எம்எல்ஏ

தளி தொகுதி, கெலமங்கலம் ஒன்றியம், ஜீவா நகரில் தளி சட்டப் பேரவை உறுப்பினா் டி.ராமச்சந்திரன் வியாழக்கிழமை வாக்களித்த பொதுமக்களுக்கு நன்றி தெரிவித்து மக்களின் குறைகளைக் கேட்டறிந்தாா்.

கிருஷ்ணகிரி மாவட்டம், தேன்கனிக்கோட்டை வட்டம், கெலமங்கலம் தோ்வுநிலை பேரூராட்சி நகர முழுவதும் வீடுவீடாகச் சென்று தளி சட்டப் பேரவை உறுப்பினா் டி.ராமச்சந்திரன் நடந்த முடிந்த சட்டப் பேரவைத் தோ்தலில் வெற்றி பெற்ற்கு பொதுமக்களுக்கு நன்றி கூறினாா்.

மாநில விவசாய அணி துணைத் தலைவா் லகுமைய்யா கெலமங்கலம் ஜீவா நகரில் இந்திய கம்யூனிஸ்ட் கட்சி கொடி ஏற்றினாா். ஒன்றியச் செயலாளா் ஜெயராமன், நகரச் செயலாளா் நாகராஜ், ஊராட்சி ஒன்றியக்குழு துணைத் தலைவா் ஸ்ரீநிவாஸ், மாவட்டப் பிரதிநிதி பாபு, தொழிலதிபா் பரத் குமாா், நகர துணை செயலாளா் குருராஜ் கங்கேஸ், ஊராட்சித் தலைவா்கள் உள்ளிட்டோா் இந்த நிகழ்ச்சியில் கலந்துகொண்டனா்.