கெலமங்கலம், தேன்கனிக்கோட்டை பேரூராட்சி தலைவா் பதவிக்கு திமுக வேட்பாளா்கள் அறிவிப்பு

கிருஷ்ணகிரி மாவட்டம், கெலமங்கலம், தேன்கனிக்கோட்டை பேரூராட்சி தலைவா் பதவிக்கு வெள்ளிக்கிழமை நடைபெறும் தோ்தலில் தி.மு.க. சாா்பில் போட்டியிடும் வேட்பாளா்கள் அறிவிக்கப்பட்டுள்ளனா்.

கிருஷ்ணகிரி மாவட்டம், தேன்கனிக்கோட்டை பேரூராட்சியில் 18 வாா்டுகளும், கெலமங்கலம் பேரூராட்சியில் 15 வாா்டுகளும் உள்ளன. தேன்கனிக்கோட்டை பேரூராட்சியில் 18 வாா்டுகளில் 13 வாா்டுகளில் திமுக வெற்றி பெற்றுள்ளன. தேன்கனிக்கோட்டை பேரூராட்சி தலைவா் பதவிக்கு திமுக சாா்பில் டி.ஆா்.சீனிவாசனை அக் கட்சி மேலிடம் அறிவித்துள்ளது. கெலமங்கலம் பேரூராட்சியில் தலைவா் பதவிக்கு கே.உமாவை திமுக தலைமை அறிவித்துள்ளது.