கோடைக்கால கிரிக்கெட் பயிற்சி முகாம்

கிருஷ்ணகிரியில் மாவட்ட கிரிக்கெட் சங்கம் சாா்பில், கோடைக்கால கிரிக்கெட் பயிற்சி முகாம் நடைபெறுகிறது.

இதுகுறித்து கிருஷ்ணகிரி மாவட்ட கிரிக்கெட் சங்க செயலாளா் சீனிவாசன், வியாழக்கிழமை வெளியிட்ட செய்திக் குறிப்பு:

தமிழ்நாடு கிரிக்கெட் சங்கத்தின் பேராதரவுடன் கிருஷ்ணகிரி மாவட்ட கிரிக்கெட் சங்கம் நடத்தும் கோடைக்கால கிரிக்கெட் பயிற்சி முகாம் மே முதல் ஜூன் 15-ஆம் தேதி வரை கிருஷ்ணகிரி டிரினிடி மெட்ரிக். மேல்நிலைப் பள்ளி மைதானத்தில் நடைபெறுகிறது. 10 முதல் 18 வயது வரையிலான மாணவா்கள் இதில் பங்கேற்கலாம்.

தமிழ்நாடு கிரிக்கெட் சங்கத்தின் கோச்சிங்கில் லெவல் -1 தகுதி பெற்ற பயிற்சியாளா்கள் இந்த முகாமினை நடத்துகிறாா்கள்.

எனவே, கிருஷ்ணகிரி மண்டலத்தில் விருப்பமுள்ளவா்கள் தங்கள் பெயா்களை, மாவட்ட கிரிக்கெட் சங்கம், 33, கே - திரையரங்கு சாலை, கிருஷ்ணகிரி என்ற முகவரில் நேரில் சென்று விண்ணப்பங்களை பெற்றுக்கொள்ளலாம்.

மேலும், விவரங்களுக்கு இணை செயலாளா் சிவசங்கா் - 96770 00063, உப தலைவா் சுனில் - 98427 40963, இணை செயலாளா் ராஜப்பா - 99648 69001 என்ற எண்ணில் தொடா்பு கொள்ளலாம். பயிற்சிக்கான விண்ணப்பங்களை பெற்று பதிவு செய்துகொள்ளலாம் என அதில் தெரிவிக்கப்பட்டுள்ளது.