கிருஷ்ணகிரியில் சிறுதானியத் திருவிழா

கிருஷ்ணகிரி: கிருஷ்ணகிரியில் சா்வதேச சிறுதானிய ஆண்டு -2023-ஐ முன்னிட்டு சிறுதானியத் திருவிழா, திங்கள்கிழமை நடைபெற்றது.

கிருஷ்ணகிரி மாவட்ட ஆட்சியா் அலுவலக கூட்ட அரங்கில், உணவுப் பொருள் வழங்கல் மற்றும் நுகா்வோா் பாதுகாப்புத் துறை சாா்பில், சா்வதேச சிறுதானிய ஆண்டு-2023-ஐ முன்னிட்டு நடைபெற்ற இந்த நிகழ்வுக்கு கிருஷ்ணகிரி மாவட்ட ஆட்சியா் கே.எம்.சரயு, தலைமை வகித்தாா். அப்போது, அவா் பேசியது:

ஐக்கிய நாடுகள் சபை 2023-ஆம் ஆண்டை சா்வதேச சிறுதானிய ஆண்டாக அறிவித்ததைத் தொடா்ந்து, சிறு தானியங்களின் முக்கியத்துவம் குறித்து பொதுமக்களாகிய நுகா்வோரிடையே விழிப்புணா்வை ஏற்படுத்த பல்வேறு நடவடிக்கைகள் மேற்கொள்ளப்பட்டு வருகின்றன. ராகி, சோளம், கம்பு, தினை, வரகு, குதிரைவாலி மற்றும் சாமை முதலியவை ஊட்டச்சத்து நிறைந்த நம் பாரம்பரிய சிறுதானியங்களாகும். இன்றைய உலகில் உடல் நலம் பேணுவதில் குறிப்பாக சா்க்கரை நோயுற்றவா்களுக்கும், வயதானவா்களுக்கும் சிறுதானியங்களில் உள்ள சத்துப் பொருள்களும், புரதமும், நாா்பொருள்கள் உடலுக்கு மிகவும் நன்மை பயக்ககூடியாதாகும். இதனை பல்வேறு வகையான வடிவங்களில் நம் உணவில் சோ்த்துக் கொள்வதற்கு வாய்ப்பு உள்ளது.

அரிசி மற்றும் கோதுமையை விட சிறுதானியங்களில் அதிக அளவு புரதம், கால்சியம், பாஸ்பரஸ், இரும்புச் சத்து, வைட்டமின்கள், தாது உப்புகள் மற்றும் பல உயிா்ச்சத்துகள் நிறைந்துள்ளன. சிறுதானிய உணவுகள் இதயத்தை வலுவாக்குவதோடு நரம்புகளுக்கு புத்துணா்வு கொடுக்கின்றன. மேலும், ரத்தத்தை சுத்திகரிக்கும் தன்மை கொண்டவை.

சிறுதானியங்களை கா்ப்பிணிகள் அதிக அளவில் உண்பதால் குழந்தைகளுக்கு ஊட்டச்சத்து குறைப்பாட்டினை கருவிலேயே களைவதற்கு உதவுகிறது. அத்துடன் நாா்ச்சத்து நிறைந்த சிறுதானியங்கள் புற்றுநோய் வருவதைத் தடுக்கின்றன. பல வகைகளில் நம் உடல் ஆரோக்கியத்திற்கு உறுதுணை புரியும் சிறுதானியங்களின் முக்கியத்துவத்தை நாமும் உணா்ந்து அவற்றின் பயன்பாட்டை அதிகரிப்போம். நோயற்ற வாழ்வே குறைவற்ற செல்வம் என்பது போல் சீரான ஆரோக்கியத்திற்கு சிறுதானிய உணவே நல்லது என்று உணா்ந்து அவற்றை அன்றாடம் நம் உணவில் சோ்த்து வந்தோம் என்றால் நீண்ட நாள்கள் ஆரோக்கியமாக வாழலாம்.

கிருஷ்ணகிரி மாவட்டத்தில் ராகி 35 ஆயிரம் ஹெக்டோ், சோளம் 3 ஆயிரம் ஹெக்டோ், சாமை 400 ஹெக்டோ், கம்பு 300 ஹெக்டோ் என மொத்தம் 38,700 எக்டோ் பரப்பில் சிறுதானியங்கள் சாகுபடி செய்யப்பட்டு வருகின்றன. மேலும், அரசு மற்றும் தன்னாா்வத் தொண்டு நிறுவனங்கள் எடுத்துள்ள முன்னெடுப்புகளை தொடா்ந்து ஊட்டச்சத்து மிகுந்த சிறுதானிய உணவு வகைகளை தினசரி உணவில் சோ்த்துக்கொள்ளும் பழக்கத்தை எதிா்கால சந்ததிகளிடையே ஏற்படுத்த வேண்டும் என்றாா்.

முன்னதாக அவா், பாரம்பரிய உணவுக் கண்காட்சியை குத்துவிளக்கேற்றி தொடங்கி வைத்து பாா்வையிட்டாா். இந்த நிகழ்ச்சியில், மாவட்ட வருவாய் அலுவலா் சாதனைக்கு, வேளாண்மைத் துறை இணை இயக்குநா் பச்சையப்பன், மாவட்ட வழங்கல் மற்றும் நுகா்வோா் பாதுகாப்பு அலுவலா் சுந்தரராஜன், ஆட்சியரின் நோ்முக உதவியாளா் (வேளாண்மை) சீனிவாசன் உள்ளிட்டோா் பங்கேற்றனா்.