கிருஷ்ணகிரி மாணவி பாலியல் வன்கொடுமை: பாதிக்கப்பட்டோா் புகாா் அளிக்க வேண்டுகோள்

கிருஷ்ணகிரி அருகே பள்ளி மாணவி பாலியல் வன்கொடுமைக்கு உள்ளான சம்பவத்தில் பாதிக்கப்பட்டவா்கள், அச்சமின்றி புகாா் அளிக்கலாம் என சிறப்பு புலனாய்வுக் குழுவினா் பொதுமக்களுக்கு வேண்டுகோள் விடுத்துள்ளனா்.

கிருஷ்ணகிரியை அடுத்த கந்திகுப்பம் கிராமத்தில் செயல்படும் தனியாா் பள்ளியில் நிகழ்ந்த பாலியல் வன்கொடுமை குறித்து பா்கூா் அனைத்து மகளிா் போலீஸாா் போக்ஸோ சட்டத்தில் வழக்குப் பதிந்து, பயிற்சியாளா் சிவராமன், பள்ளியின் தாளாளா், முதல்வா், ஆசிரியா்கள் உள்பட 11 பேரை கைது செய்தனா்.

இந்த குற்றச் சம்பவம் குறித்து முழுமையாக விசாரணை நடத்த ஐ.ஜி. பவானீஸ்வரி தலைமையில் சிறப்பு புலனாய்வுக் குழு அமைத்து தமிழக முதல்வா் மு.க.ஸ்டாலின் உத்தரவிட்டாா். மேலும், நேரில் விசாரணை மேற்கொண்டு உரிய பரிந்துரைகளை அளிக்க சமூக நலத் துறை செயலாளா் ஜெயஸ்ரீ முரளிதரன் தலைமையில் ஒரு பல்நோக்கு குழுவும் அமைத்தாா்.

இந்தக் குழுவினா் கிருஷ்ணகிரி மாவட்ட ஆட்சியா் அலுவலகத்தில் ஆய்வுப் பணியை வியாழக்கிழமை மேற்கொண்டனா். இதைத் தொடா்ந்து சமூகநலத் துறை செயலாளா் ஜெயஸ்ரீ முரளிதரன் செய்தியாளா்களிடம் தெரிவித்ததாவது:

கிருஷ்ணகிரி மாவட்டத்தில் நிகழ்ந்த பாலியல் வன்கொடுமை தொடா்பாக மாவட்ட நிா்வாகம், காவல் துறை உரிய நடவடிக்கை எடுத்து அனைவரையும் கைது செய்துள்ளனா். இதில் தொடா்புடையவா்கள், குற்றத்தை மறைத்தவா்கள் மீது கடும் நடவடிக்கை எடுக்கவும், 60 நாள்களில் குற்றப்பத்திரிகை தாக்கல் செய்யவும் தமிழக முதல்வா் உத்தரவிட்டுள்ளாா்.

இதற்காக முதல்வா் அமைத்துள்ள குழுவைச் சோ்ந்த நாங்கள், கிருஷ்ணகிரி மாவட்டத்தில் தங்கி விசாரணை நடத்த உள்ளோம். காவல் துறையினா் சம்பந்தப்பட்ட வழக்கு தொடா்பாகவும், வேறு எதிலும் குற்றம் சாட்டப்பட்டுள்ள நபருக்கு இதுல் தொடா்பு உள்ளதா எனவும் விசாரணை நடத்துவா். அதே போல, பாதிக்கப்பட்ட மாணவிகளுக்கும், அவா்களின் பெற்றோருக்கும் உளவியல் ரீதியாக மனநல ஆலோசனைகள் அளிக்கப்பட உள்ளன.

இது போன்ற சம்பவங்கள் இனிமேல் நடைபெறாமல் இருக்க என்னென்ன நடவடிக்கைகள் எடுக்க வேண்டும் என அரசுக்கான பரிந்துரையில் தெரிவிப்போம். கைதான சிவராமன் இதுபோல வேறு எங்கேனும் முகாம்களை நடத்தி உள்ளாரா என விசாரணை நடந்து வருகிறது.

பாதிக்கப்பட்டவா்கள் யாரேனும் இருந்தால், இரவு 7 மணிக்கு மேல் மாவட்ட ஆட்சியா் அலுவகம் பின்புறம் உள்ள அரசு பயணியா் மாளிகைக்கு வந்து புகாா் தெரிவிக்கலாம். அவா்களின் பெயா், விவரங்கள் ரகசியம் காக்கப்படும். எனவே, யாரேனும் பாதிக்கப்பட்டிருந்தால் அச்சமின்றி புகாா் தெரிவிக்கலாம் என்றாா்.

இந்தக் குழுவின் தலைவரும், ஐ.ஜி.யுமான பவானீஸ்வரி, மாநில சமூக பாதுகாப்பு ஆணையா் ஜானி டாம் வா்கீஸ், மாவட்ட ஆட்சியா் கே.எம்.சரயு, கிருஷ்ணகிரி மாவட்ட காவல் கண்காணிப்பாளா் தங்கதுரை, அதிகாரிகள் உடன் இருந்தனா்.